'18 മോതിരങ്ങൾ, വള, വാച്ച്'; ഉറക്കത്തിൽ വീട്ടുകാരറിഞ്ഞില്ല, നേമത്ത് വാതിൽ കുത്തിപ്പൊളിച്ച് വൻ കവർച്ച

അ​ല​മാ​ര​ക്കു​ള്ളി​ൽ സൂ​ക്ഷി​ച്ചി​രു​ന്ന നാ​ല് സ്വര്‍ണ്ണ​ വ​ള​ക​ൾ,  18 മോ​തി​ര​ങ്ങ​ൾ അടക്കം മൂന്ന് പവന്‍റെ സ്വര്‍ണ്ണാഭരണങ്ങളും വാച്ചും ബാഗുമടക്കം നിരവധി സാധനങ്ങളാണ് കള്ളന്‍മാര്‍ മോഷ്ടിച്ചത്.

നേമം:  തിരുവനന്തപുരത്ത് വീ​ട് കു​ത്തി​ത്തു​റ​ന്ന് വന്‍ കവര്‍ച്ച. നേമത്താണ് കഴിഞ്ഞ ദിവസം  വീ​ട് കു​ത്തി​ത്തു​റ​ന്ന് സ്വ​ർ​ണാ​ഭ​ര​ണ​ങ്ങ​ളും പ​ണ​വും മോഷ്ടിച്ചത്. നേമം സ്റ്റു​ഡി​യോ റോ​ഡ് ടി.​സി 49/2981 താ​ഴെ ത​ട്ടാ​ര​ക്കു​ഴി വീ​ട്ടി​ൽ വി​നേ​ഷ് കു​മാ​റി​ന്റെ വീ​ട്ടി​ലാ​യി​രു​ന്നു മോ​ഷ​ണം. ബു​ധ​നാ​ഴ്ച രാ​ത്രി 11.30നും ​പു​ല​ർ​ച്ച 5.30നും ​ഇ​ട​യി​ലാ​ണ് മോ​ഷ​ണമെന്നാണ് പൊലീസ് നിഗമനം.
മോ​ഷ​ണം ന​ട​ക്കു​മ്പോ​ൾ വീ​ട്ടു​കാ​ർ ഉ​റ​ക്ക​ത്തി​ലാ​യി​രു​ന്നു. 

വീടിന്‍റെ പിന്നിലുള്ള വാ​തി​ൽ കു​ത്തി​പ്പൊ​ളി​ച്ചാ​ണ് മോ​ഷ്ടാ​ക്കള്‍ അകത്ത് ക​ട​ന്ന​ത്. അ​ല​മാ​ര​ക്കു​ള്ളി​ൽ സൂ​ക്ഷി​ച്ചി​രു​ന്ന നാ​ല് സ്വര്‍ണ്ണ​ വ​ള​ക​ൾ,  18 മോ​തി​ര​ങ്ങ​ൾ അടക്കം മൂന്ന് പവന്‍റെ സ്വര്‍ണ്ണാഭരണങ്ങളും, ര​ണ്ടാ​യി​ര​ത്തോ​ളം രൂ​പ വി​ല​വ​രു​ന്ന വാ​ച്ച്, വീ​ടി​നു​ള്ളി​ൽ ഉ​ണ്ടാ​യി​രു​ന്ന വി​ല​കൂ​ടി​യ ബാ​ഗ്, തു​ണി​ത്ത​ര​ങ്ങ​ൾ ഉ​ൾ​പ്പെ​ടെ​യാ​ണ് മോ​ഷ​ണം പോ​യ​ത്.  ല​ക്ഷ​ങ്ങളുടെ ന​ഷ്ടം ക​ണ​ക്കാ​ക്കു​ന്നുണ്ടെന്ന് പൊലീസ് അറിയിച്ചു. 

രാവിലെയാണ് വീട്ടുകാര്‍ മോഷണം നടന്നത് അറിയുന്നത്. തുടര്‍ന്ന് പൊലീസില്‍ വിവരമറിയിക്കുകയായിരുന്നു. നേ​മം പൊ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു. വി​ര​ല​ട​യാ​ള വി​ദ​ഗ്ധ​രും ഡോ​ഗ്സ്കോ​ഡും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.  നേമം സ്റ്റേ​ഷ​ൻ പ​രി​ധി​യി​ൽ അ​ടു​ത്തി​ടെ ന​ട​ക്കു​ന്ന മൂ​ന്നാ​മ​ത്തെ മോ​ഷ​ണ​മാ​ണ് ഇ​ത്.

ദി​വ​സ​ങ്ങ​ൾ​ക്കു മു​മ്പ് പ​ള്ളി​ച്ച​ൽ സ്വ​ദേ​ശി മ​ധു​സൂ​ദ​ന​ന്‍റെ വീട്ടിലും മോഷണം നടന്നിരുന്നു. ഇ​വി​ടെ​നി​ന്ന് നാ​ലു പ​വ​ൻ സ്വ​ർ​ണാ​ഭ​ര​ണ​ങ്ങ​ളാണ്  മോ​ഷ്ടാ​ക്ക​ൾ ക​വ​ർ​ന്നത്. ഇരുനില വീടിന്‍റെ മുൻ വാതിൽ കുത്തിത്തുറന്നാണ് അകത്തു സൂക്ഷിച്ചിരുന്ന നാല് പവന്‍ കവര്‍ന്നത്. വീട്ടുകാര്‍ ക്ഷേത്ര ദര്‍ശനത്തിന് പോയി മടങ്ങി വന്നപ്പോഴാണ് മോഷണവിവരം അറിയുന്നത്. ക​ല്ലി​യൂ​ർ സ്വ​ദേ​ശി വി​ഷ്ണു​വി​ന്റെ വീ​ട്ടില്‍ നടന്ന മോ​ഷ​ണ​ത്തി​ൽ ന​ഷ്ട​മാ​യ​ത് അ​ഞ്ച് പ​വ​ൻ സ്വ​ർ​ണാ​ഭ​ര​ണ​ങ്ങ​ളാ​ണ്. എന്തായാലും മോഷണക്കേസുകള്‍ പെരുകിയതോടെ പൊലീസ് അന്വേഷണം ശക്തമാക്കിയിട്ടുണ്ട്.