വാതിലടയ്ക്കാത്ത ബസിൽ നിന്ന് തെറിച്ചുവീണു; പിൻ ചക്രം കയറി വയോധികയ്ക്ക് ദാരുണാന്ത്യം

പുറത്തേക്ക് വീണ ഏലിയാമ്മ റോഡരികിലെ മതിലിൽ ഇടിച്ച് തിരികെ ബസിനടയിലേക്ക് വീഴുകയായിരുന്നു. തലയിലൂടെ ബസ് കയറിയിറങ്ങി ഇവർ തൽക്ഷണം മരിച്ചു.  

കൊച്ചി: വാതിൽ അടയ്ക്കാതെ സർവീസ് നടത്തിയ ബസിൽ നിന്ന് തെറിച്ചു വീണ വയോധികയ്ക്ക് ദാരുണാന്ത്യം. ഇതേ ബസിന്റെ പിൻ ചക്രം കയറിയാണ് വൃദ്ധമരിച്ചത്. ചെറുകര പരേതനായ പൗലോസിന്റെ ഭാര്യ ഏലിയാമ്മയാണ് മരിച്ചത്.

ഇന്നലെ രാവിലെ ഏഴോടെ ചാത്തമറ്റം കവലയിൽ ഏലിയാമ്മയുടെ വീടിന് മുന്നിൽ വച്ചായിരുന്നു അപകടം. പള്ളിയിൽ പോകാനാണ് കാളിയാർ- കോതമം​ഗലം റൂട്ടിലെ ടിഎംഎസ് ബസിൽ ഏലിയാമ്മ കയറിയത്. സീറ്റിൽ ഇരിക്കുന്നതിനിടെ എതിരെ വാഹനം വരികയും ബസ് പെട്ടെന്ന് ബ്രേക്കിടുകയുമായിരുന്നു. ഇതോടെ മുൻവാതിലിലൂടെ ഏലിയാമ്മ പുറത്തേക്ക തെറിച്ചുവീഴുകയായിരുന്നു.

പുറത്തേക്ക് വീണ ഏലിയാമ്മ റോഡരികിലെ മതിലിൽ ഇടിച്ച് തിരികെ ബസിനടയിലേക്ക് വീഴുകയായിരുന്നു. തലയിലൂടെ ബസ് കയറിയിറങ്ങി ഇവർ തൽക്ഷണം മരിച്ചു.