ഒരു കേസിൽ വിചാരണ നടക്കുന്നതിനിടെ വീണ്ടും അതേ പണി, ബസ് യാത്രക്കിടെ രണ്ട് വിദ്യാര്ത്ഥിനികളെ കടന്നുപിടിച്ചു
Synopsis
സ്കൂളിലേക്ക് പോവുകയായിരുന്ന രണ്ട് വിദ്യാർത്ഥിനികളെ ബസിൽ വെച്ച് ലൈംഗികമായി ഉപദ്രവിച്ച കേസിൽ അബ്ദുൾ കരീം എന്നയാളെ കുന്നമംഗലം പോലീസ് അറസ്റ്റ് ചെയ്തു.
കോഴിക്കോട്: കോഴിക്കോട് നരിക്കുനി സ്വദേശി മേലേപ്പാട്ട് വീട്ടിൽ അബ്ദുള് കരീം (41) എന്നയാളെ കുന്നമംഗലം പൊലീസ് പോക്സോ വകുപ്പ് പ്രകാരം വീണ്ടും അറസ്റ്റ് ചെയ്തു. സ്കൂളിലേക്ക് പോവുകയായിരുന്ന ചക്കാലക്കൽ ഹയർ സെക്കൻഡറി സ്കൂളിലെ രണ്ട് വിദ്യാര്ത്ഥിനികളെ ബസ്സിൽ ലൈംഗിക ഉദ്ദേശ്യത്തോടെ കയറിപ്പിടിച്ചതാണ് സംഭവം.
യാത്രക്കാരനായിരുന്ന കരീം വിദ്യാര്ത്ഥിനികളെ ശരീരത്തിൽ കയറിപ്പിടിച്ചതായി പരാതിയിൽ പറയുന്നു. ഇതിനെ തുടർന്ന് വിദ്യാര്ത്ഥിനികൾ നൽകിയ പരാതിയുടെ അടിസ്ഥാനത്തിൽ പൊലീസ് കേസ് രജിസ്റ്റർ ചെയ്തു. കുന്നമംഗലം ഇൻസ്പെക്ടർ കിരൺ, സബ് ഇൻസ്പെക്ടർ നിധിൻ, സീനിയർ സിവിൽ പോലീസ് ഓഫീസർ വിപിൻ എന്നിവർ ചേർന്ന് ഇയാളുടെ വീട്ടിൽ വച്ചാണ് അറസ്റ്റ് നടത്തിയത്.
അധികൃതരുടെ അന്വേഷണത്തിൽ, കരീമിനെതിരെ 2019ൽ കൊടുവള്ളി പൊലീസ് സ്റ്റേഷനിൽ രജിസ്റ്റർ ചെയ്ത പോക്സോ കേസ് നിലവിലുണ്ടെന്ന് വ്യക്തമായി. ഈ കേസിൽ ഇയാൾക്കെതിരെ കോടതിയിൽ വിചാരണ നടക്കുകയാണ്.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam