മലപ്പുറത്ത് നിന്ന് കാണാതായ കുട്ടികളെ കണ്ടെത്തി; കണ്ടെത്തിയത് കോഴിക്കോട് ഹൈലൈറ്റ് മാളില്‍ നിന്ന്

ഊര്‍ജിമായ അന്വേഷണത്തിനൊടുവില്‍ കുട്ടികളെ കോഴിക്കോട് ഹൈലൈറ്റ് മാളില്‍ നിന്ന് കണ്ടെത്തിയെന്ന് എടവണ്ണ പൊലീസ് അറിയിച്ചു.

മലപ്പുറം: മലപ്പുറം എടവണ്ണയിൽ നിന്ന് കാണാതായ രണ്ട് കുട്ടികളെയും കണ്ടെത്തി. കോഴിക്കോട് ഹൈലൈറ്റ് മാളിൽ നിന്നാണ് കുട്ടികളെ കണ്ടെത്തിയത്. പൊറ്റമ്മലിൽ ബസ് ഇറങ്ങി കുട്ടികൾ മാളിൽ എത്തിയതായി വിവരം ലഭിച്ചിരുന്നു. മാളിലെ സിസിടിവി ദൃശ്യങ്ങൾ പരിശോധിക്കുന്നതിനിടെയാണ് കുട്ടികളെ കണ്ടെത്തിയത്.

എടവണ്ണ സ്വദേശികളായ 12 ഉം 15 ഉം വയസ് പ്രായമായ കുട്ടികളെയാണ് ഇന്നലെ വൈകിട്ട് മൂന്ന് മണി മുതലാണ് കാണാതായത്. ഊര്‍ജിമായ അന്വേഷണത്തിനൊടുവില്‍ കുട്ടികളെ കോഴിക്കോട് ഹൈലൈറ്റ് മാളില്‍ നിന്ന് കണ്ടെത്തിയെന്ന് എടവണ്ണ പൊലീസ് അറിയിച്ചു. സഹോദരങ്ങളുടെ മക്കളാണ് കാണാതായ കുട്ടികള്‍. കുട്ടികൾ ഇന്നലെ കോഴിക്കോട് പൊറ്റമ്മലിൽ ബസ്സിറങ്ങിയതായി പൊലീസിന് വിവരം ലഭിച്ചതിന് പിന്നാലെയാണ് കോഴിക്കോട് ജില്ലയിലേക്ക് അന്വേഷണം വ്യാപിപ്പിച്ചത്. കോഴിക്കോട് ഹൈലൈറ്റ് മാളിലെ സിസിടിവി ദൃശ്യങ്ങൾ പരിശോധിച്ച് കുട്ടികളെ കണ്ടെത്തുകയായിരുന്നു.