തുടര്‍ന്ന് നെടുമുടി പോലീസും ഫയര്‍ഫോഴ്‌സും സ്ഥലത്തെത്തി. ആദിലിനായുള്ള തെരച്ചില്‍ വൈകിയും തുടർന്നു.
ആലപ്പുഴ: കുട്ടനാട് സന്ദള്‍ശിക്കാനെത്തിയ 12 അംഗ സംഘത്തിലെ യുവാവിനെ കുളിക്കുന്നതിനിടെ ആറ്റില്‍ കാണാതായി. ആലുവ വെസ്റ്റ് കടുങ്ങല്ലൂര്‍ പത്താം വാര്‍ഡ് കളപ്പുരയില്‍ ഹൗസില്‍ അന്‍സാറിന്റെ മകന്‍ മുഹമ്മദ് ആദില്‍(മനു -22 ) നെയാണ് കാണാതായത്. ചൊവ്വാഴ്ച വൈകിട്ട് നാലോടെയാണ് സംഭവം. കുടുംബത്തോടൊപ്പം മൂന്ന് കാറുകളിലായി കുട്ടനാട് കൈനകരിയിലെത്തിയ സംഘത്തിലെ ആദിലിനെ മുണ്ടക്കല്‍ പാലത്തിന് സമീപം ഗുരുമന്ദിരം ജെട്ടിയിലെ കടവില്‍ കുളിക്കുന്നതിനിടെയാണ് കാണാതായത്. തുടര്‍ന്ന് നെടുമുടി പോലീസും ഫയര്‍ഫോഴ്‌സും സ്ഥലത്തെത്തി. ആദിലിനായുള്ള തെരച്ചില്‍ വൈകിയും തുടർന്നു.