സാക്ഷി പറഞ്ഞതിന്‍റെ വൈരാഗ്യം, യുവാവിനെ രണ്ടംഗ സംഘം വെട്ടി, ഗുരുതര പരിക്ക്

കഴിഞ്ഞവർഷം ഫെബിന്റെ സുഹൃത്തിനെ ഏഴംഗസംഘം ആക്രമിച്ചിരുന്നു. ഈ കേസിലെ ദൃക്സാക്ഷിയാണ് ഫെബിൻ.

തിരുവനന്തപുരം: കഠിനംകുളത്ത് യുവാവിനെ വെട്ടിക്കൊലപ്പെടുത്താൻ ശ്രമം. സുഹൃത്തിനെ ആക്രമിച്ച കേസിൽ സാക്ഷി പറഞ്ഞതിനാണ് യുവാവിനെ കൊല്ലാൻ ശ്രമിച്ചത്. കഴിഞ്ഞ ദിവസം രാത്രിയാണ് സംഭവം. ചിറ്റാറ്റുമുക്ക് സ്വദേശി ഫെബിൻ ആണ് രണ്ടംഗ സംഘത്തിന്റെ ആക്രമണത്തിനിരയായത്. കഴിഞ്ഞവർഷം ഫെബിന്റെ സുഹൃത്തിനെ ഏഴംഗസംഘം ആക്രമിച്ചിരുന്നു. ഈ കേസിലെ ദൃക്സാക്ഷിയാണ് ഫെബിൻ. കോടതിയിൽ സാക്ഷി പറഞ്ഞതിന്റെ വൈരാഗ്യത്തിലാണ് സംഘം ഫെബിനെ ആക്രമിച്ചത്. അന്നത്തെ കേസിലെ പ്രതികളായ വിനോദ്, ക്ലിന്റൺ എന്നിവരാണ് ആക്രമിച്ചത്. ഫെബിന്റെ ഇരു കൈകൾക്കും ഗുരുതരമായി പരിക്കേറ്റു. ഫെബിൻ സ്വകാര്യ ആശുപത്രിയിൽ ചികിത്സയിലാണ്.