വിവാഹ പാര്ട്ടിക്കിടെ കളര്ചേര്ത്ത സ്പിരിറ്റ് വില്പന; യുവാവ് അറസ്റ്റില്
Synopsis
അജിത്തിനെതിരെ 2018 ലും 2019ലും എസ്റ്റേറ്റ് മേഖലയില് മദ്യം വില്പന നടത്തിയതിന് എക്സൈസ് കേസെടുത്തിരുന്നു.
മൂന്നാര്: വിവാഹ പാര്ട്ടിക്കിടെ കളര്ചേര്ത്ത സ്പിരിറ്റ്(Spirit) വില്പന നടത്തിയ യുവാവ് അറസ്റ്റില്(Arrest). എല്ലപ്പെട്ടി കെ കെ ഡിവിഷനില് അജിത്തിനെയാണ് മൂന്നാര് പൊലീസ് അറസ്റ്റ് ചെയ്തത്. ഇയാളുടെ പക്കല് നിന്നും ഏഴ് ലിറ്റല് കളര് ചേര്ത്ത സ്പിരിറ്റും കണ്ടെടുത്തു. എല്ലപ്പെട്ടി എസ്റ്റേറ്റ് മേഖലയില് വ്യാപകമായി സ്പിരിറ്റ് വില്പന നടക്കുന്നതായി മൂന്നാര് പൊലീസിന് വിവരം ലഭിച്ചിരുന്നു.
പരാതിയെ തുടര്ന്ന് മൂന്നുദിവസം മുബ് സിഐ മനീഷ് കെ കുര്യാക്കോസിന്റ നേത്യത്വത്തില് എസ്റ്റേറ്റില് പരിശോധന നടത്തി. എസ്റ്റേറ്റ് മേഖലയില് സ്തിരമായി മദ്യം വില്പന നടത്തുന്ന അജിത്തിന് പൊലീസ് താക്കീത് നല്കിയിരുന്നു. പ്രശ്നബാധിത മേഖലയില് പോലീസിന്റ സ്പെഷ്യല് സ്കോടിനെയും നിയോഗിച്ച് പരിശോധന നടത്തുന്നതിനിടെയാണ് വിവാഹ പാര്ട്ടിയില് കളര് ചേര്ത്ത സ്പിരിറ്റ് അജിത്ത് വില്പന നടത്തിയത്.
പൊലീസിന്റെ പരിശോധനയില് അജിത്തിന്റെ പക്കല് നിന്നും ഏഴ് ലിറ്റര് കളര് ചേര്ത്ത സ്പിരിറ്റ് കണ്ടെത്തിയതായി സി ഐ മനീഷ് കെ കുര്യാക്കോസ് പറഞ്ഞു. അജിത്തിനെതിരെ 2018 ലും 19 ലും എസ്റ്റേറ്റ് മേഖലയില് മദ്യം വില്പന നടത്തിയതിന് എക്സൈസ് കേസെടുത്തിരുന്നു. കോടതിയില് ഹാജരാക്കി പ്രതിയെ റിമാന്റ് ചെയ്തു.
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam