ഫ്ലിപ്കാര്‍ട്ടും ആമസോണും പോലുള്ള ഇ-കൊമേഴ്സ് പ്ലാറ്റ്ഫോമുകളെ ഏറ്റവുമധികം ജനപ്രിയമാക്കുന്നത് അവ നല്‍കുന്ന ഇ.എം.ഐ സൗകര്യം കൂടിയാണ്. വിലകൂടിയ ഉല്‍പ്പന്നങ്ങള്‍ മുഴുവന്‍ പണവും നല്‍കി വാങ്ങാന്‍ കഴിയാത്തവര്‍ക്ക് വിവിധ തവണകളായി പണമടച്ച് സാധനങ്ങള്‍ വാങ്ങാം. 14 ശതമാനത്തിനടുത്ത് പലിശയാണ് വിവിധ ബാങ്കുകള്‍ ഇതിന് ഈടാക്കുന്നത്. ക്രെഡിറ്റ് കാര്‍ഡുള്ളവര്‍ക്ക് മാത്രം ലഭ്യമായിരുന്ന ഈ സൗകര്യം ഇപ്പോള്‍ ചില ഡെബിറ്റ് കാര്‍ഡുകള്‍ക്ക് കൂടി ലഭ്യമാക്കിയിട്ടുണ്ട്.
നിലവില്‍ എസ്.ബി.ഐ, ആക്സിസ് ബാങ്ക് എന്നിവയാണ് ചില ഉല്‍പ്പന്നങ്ങള്‍ക്ക് ഡെബിറ്റ് കാര്‍ഡ് വഴി ഇ.എം.ഐ സൗകര്യം നല്‍കുന്നത്
നിങ്ങള്‍ യോഗ്യരാണോ?
രണ്ട് ബാങ്കുകളുടെയും ഡെബിറ്റ് കാര്‍ഡ് ഉടമകളായ എല്ലാവര്‍ക്കും ഇ.എം.ഐ സൗകര്യം ലഭിക്കില്ല. ഉപഭോക്താക്കളുടെ ക്രെഡിറ്റ് ഹിസ്റ്ററി അടക്കമുള്ള കാര്യങ്ങള്‍ പരിശോധിച്ച് യോഗ്യരായവര്‍ക്ക് മാത്രമേ ഇത് ലഭിക്കുകയുള്ളു.
എങ്ങനെ ലഭ്യമാവും?
എല്ലാ സാധനങ്ങളും പ്രീ അപ്രൂവ്ഡ് ഇഎംഐ വഴി വാങ്ങാന്‍ കഴിയില്ല. നിങ്ങള്‍ വാങ്ങാന്‍ ഉദ്ദേശിക്കുന്ന സാധനത്തിന് ഡെബിറ്റ് കാര്‍ഡ് ഇഎംഐ സൗകര്യം ലഭ്യമാണോ എന്ന് പരിശോധിക്കാം. അതിന് ശേഷം പേയ്മെന്റ് ഘട്ടത്തിലേക്ക് വരുമ്പോള്‍ EMI എന്ന മെനുവില്‍ നിന്ന് Pre-Approved/Debit EMI തെരഞ്ഞെടുക്കാം. പിന്നീട് ബാങ്കും തെരഞ്ഞെടുക്കണം. കാര്‍ഡ് വിവരങ്ങളും വണ്‍ ടൈം പാസ്‍വേഡും നല്‍കി ഇടപാട് പൂര്‍ത്തീകരിക്കാം.
പ്രത്യേകം ശ്രദ്ധിക്കാന്‍