ക്യാമറകളില്ലായിരുന്നെങ്കില് പൊട്ടിക്കരഞ്ഞേനെ; ജയപരാജയങ്ങള്ക്ക് പ്രസക്തിയില്ലെന്നും കെ സുരേന്ദ്രന്
Synopsis
വിജയങ്ങളില് അമിതാവേശമോ പരാജയങ്ങളില് നിരാശയോ പൊതുപ്രവര്ത്തകര്ക്ക് ഉണ്ടായിക്കൂടാ എന്ന ഉത്തമബോധ്യമാണ് തന്നെ നയിക്കുന്നതെന്ന് കെ.സുരേന്ദ്രന് പറഞ്ഞു.
തിരുവനന്തപുരം: തെരഞ്ഞെടുപ്പ് ഫലം ജനങ്ങള് യഥാര്ത്ഥത്തില് ആഗ്രഹിച്ചത് തന്നെയാകണമെന്ന് നിര്ബന്ധമില്ലെന്ന് ബിജെപി നേതാവ് കെ.സുരേന്ദ്രന് ജയപരാജയങ്ങളുടെ കണക്കുകൂട്ടലുകള്ക്ക് വലിയ പ്രസക്തിയുണ്ടെന്ന് തോന്നുന്നില്ല. ഇത്രയും വൈകാരികമായ ഒരു തെരഞ്ഞെടുപ്പനുഭവം ഇതാദ്യമാണെന്നും അദ്ദേഹം ഫേസ്ബുക്ക് കുറിപ്പില് പറയുന്നു.
മുറിവേറ്റ ഒരു ജനതയുടെ വികാര വിസ്ഫോടനങ്ങളാണ് താന് പത്തനംതിട്ടയില് കണ്ടത്. ക്യാമറകളില്ലായിരുന്നെങ്കില് പല യോഗങ്ങളിലും താന് പൊട്ടിക്കരഞ്ഞുപോകുമായിരുന്നു. വിജയങ്ങളില് അമിതാവേശമോ പരാജയങ്ങളില് നിരാശയോ പൊതുപ്രവര്ത്തകര്ക്ക് ഉണ്ടായിക്കൂടാ എന്ന ഉത്തമബോധ്യമാണ് തന്നെ നയിക്കുന്നതെന്നും കെ.സുരേന്ദ്രന് പറയുന്നു.
ഫേസ്ബുക്ക് പോസ്റ്റിന്റെ പൂര്ണരൂപം
ജയാപജയങ്ങളുടെ കണക്കുകൂട്ടലുകൾക്ക് വലിയ പ്രസക്തിയുണ്ടെന്ന് തോന്നുന്നില്ല. യഥാർത്ഥത്തിൽ ജനങ്ങൾ ആഗ്രഹിച്ചതുതന്നെ തെരഞ്ഞെടുപ്പിന്റെ അന്തിമഫലമാവണമെന്ന് നിർബന്ധവുമില്ല. വിജയങ്ങളിൽ അമിതാവേശമോ പരാജയങ്ങളിൽ നിരാശയോ പൊതുപ്രവർത്തകർക്ക് ഉണ്ടായിക്കൂടാ എന്ന ഉത്തമബോധ്യമാണ് എന്നെ നയിക്കുന്നത്. 89 വോട്ടുകൾക്ക് ചതിയിലൂടെ മഞ്ചേശ്വരത്ത് പരാജയപ്പെടുത്തിയപ്പോഴും ഇതേ വികാരമാണ് നയിച്ചത്. ഫലം എന്തുമാവട്ടെ ഇത്രയും വൈകാരികമായ ഒരു തെരഞ്ഞെടുപ്പനുഭവം ഇതാദ്യമാണ്. പലപ്പോഴും മനസ്സിനെ നിയന്ത്രിച്ചു നിർത്താൻ പാടുപെട്ടിട്ടുണ്ട്. ക്യാമറകളില്ലായിരുന്നെങ്കിൽ പല യോഗങ്ങളിലും പൊട്ടിക്കരഞ്ഞു പോകുമായിരുന്നു. വികാരം അടക്കാനാവാതെ പല മുതിർന്ന പ്രവർത്തകരും പാടുപെടുന്നത് എനിക്കു കാണാമായിരുന്നു. ശരിക്കും മുറിവേറ്റ ഒരു ജനതയുടെ വികാര വിസ്ഫോടനങ്ങളാണ് ഞാൻ പത്തനം തിട്ടയിൽ കണ്ടത്. പത്തനം തിട്ട കേരളത്തിന്റെ ഒരു പരിഛേദം തന്നെയാണ്. ഏറ്റക്കുറച്ചിലുകളോടെയാണെങ്കിലും എല്ലായിടത്തും ആഞ്ഞടിച്ച ഒരേ വികാരം തന്നെ.....