സരിത എറണാകുളം മണ്ഡലത്തില് മത്സരിക്കാന് പത്രിക സമര്പ്പിച്ചു
Published : Apr 03, 2019, 05:29 PM IST
Synopsis
എറണാകുളം ജില്ലാ കളക്ടര് വൈ.സഫിറുള്ള മുന്പാകെ മൂന്ന് സെറ്റ് പത്രികയാണ് സരിത സമര്പ്പിച്ചത്.
കൊച്ചി: എറണാകുളം ലോക്സഭാ മണ്ഡലത്തില് മത്സരിക്കുന്നതിന് സരിത എസ് നായര് നാമനിര്ദേശ പത്രിക സമര്പ്പിച്ചു. എറണാകുളം ജില്ലാ കളക്ടര് വൈ.സഫിറുള്ള മുന്പാകെ മൂന്ന് സെറ്റ് പത്രികയാണ് സരിത സമര്പ്പിച്ചത്. എറണാകുളത്തിന് പുറമേ കോണ്ഗ്രസ് അധ്യക്ഷന് രാഹുല് ഗാന്ധി മത്സരിക്കുന്ന വയനാട്ടിലും നാളെ പത്രിക സമര്പ്പിക്കുമെന്ന് സരിത പറഞ്ഞു.
എറണാകുളത്ത് ഹൈബി ഈഡനെതിരെയാണ് തന്റെ മത്സരമെന്ന് സരിത നേരത്തെ പറഞ്ഞിരുന്നു. തന്റെ പരാതിയില് കോണ്ഗ്രസ് നേതാക്കള്ക്കെതിരെ അച്ചടക്ക നടപടി സ്വീകരിക്കാത്തതില് പ്രതിഷേധിച്ചാണ് രാഹുലിനെതിരെയുള്ള സരിതയുടെ മത്സരം.