Bank Holidays 2022 March : മാർച്ചിൽ ആകെ ദിവസം 31; രാജ്യത്താകെ 13 ദിവസം ബാങ്ക് അവധി
Synopsis
2022 മാർച്ചിൽ രാജ്യമാകെ ഒട്ടേറെ അവധികളാണ് ബാങ്കുകൾക്ക് ഉള്ളത്
ദില്ലി: ബാങ്ക് ഇടപാടുകൾ നിത്യജീവിതത്തിന്റെ ഭാഗമാണ് പലർക്കും. ഇഎംഐകൾ, പണം കൊടുക്കൽ വാങ്ങൽ അങ്ങനെ നീളും ക്രയവിക്രയ പട്ടിക. സാമ്പത്തിക ഇടപാടുകൾക്ക് പലപ്പോഴും കാലാവധിയും ഉണ്ടാകാറുണ്ട്. ഒരു ഇടപാട് നടത്തേണ്ട അവസാന ദിവസം ബാങ്കിൽ ചെല്ലുമ്പോൾ, ബാങ്ക് അടഞ്ഞുകിടക്കുകയാണെങ്കിലോ?
2022 മാർച്ചിൽ രാജ്യമാകെ ഒട്ടേറെ അവധികളാണ് ബാങ്കുകൾക്ക് ഉള്ളത്. റിസർവ് ബാങ്ക് ഓഫ് ഇന്ത്യയുടെ മാനദണ്ഡങ്ങൾക്ക് വിധേയമായി രാജ്യത്തെ സ്വകാര്യ ബാങ്കുകൾക്കും വിദേശ ബാങ്കുകൾക്കും സഹകരണ ബാങ്കുകൾക്കും റീജണൽ ബാങ്കുകൾക്കും ഒപ്പം പൊതുമേഖലാ ബാങ്കുകൾക്കും നിശ്ചിത ദിവസങ്ങളിൽ അവധി അനുവദിച്ചിട്ടുണ്ട്. ഓരോ സംസ്ഥാനത്തും ബാങ്ക് അവധി ദിവസങ്ങളിൽ മാറ്റമുണ്ടാകും.
എല്ലാ സംസ്ഥാനങ്ങളിലുമായി ആകെ 13 ദിവസം ബാങ്കുകൾ പ്രവർത്തിക്കില്ല. മഹാശിവരാത്രിയായ മാർച്ച് ഒന്ന് മുതൽ 27 വരെയുള്ള അവധി ദിവസങ്ങൾ ഏതൊക്കെയെന്ന് നോക്കാം.
അവധി ദിവസങ്ങൾ
- മാർച്ച് 1 - മഹാശിവരാത്രി
- മാർച്ച് 3 - ലൊസർ (വടക്കു-കിഴക്കൻ സംസ്ഥാനങ്ങളിൽ പുതുവർഷം)
- മാർച്ച് 4 - ചപ്ചർ കട് (മിസോറാം)
- മാർച്ച് 6 - ഞായറാഴ്ച
- മാർച്ച് 12 - രണ്ടാം ശനി
- മാർച്ച് 13 - ഞായറാഴ്ച
- മാർച്ച് 17 - ഹോളിക ദഹൻ
- മാർച്ച് 18 - ഹോളി
- മാർച്ച് 19 - ഹോളി
- മാർച്ച് 20 - ഞായറാഴ്ച
- മാർച്ച് 22 - ബിഹാർ ദിവസ്
- മാർച്ച് 26 - നാലാം ശനിയാഴ്ച
- മാർച്ച് 27 - ഞായറാഴ്ച