മുംബൈ ബാങ്കില് നിന്നും ഹാക്കര്മാര് 143 കോടി കവര്ന്നു
Synopsis
സംഭവത്തിൽ ബാങ്ക് ജീവനക്കാർക്ക് പങ്കുണ്ടെന്നാണ് സംശയം. മൗറീഷ്യസിലെ രണ്ടാമത്തെ പൊതുമേഖല ബാങ്കാണിത്. മൗറീഷ്യസ് 20 ശതമാനം ബാങ്കിംഗ് ഇടപാട് നടത്തുന്നത് ബാങ്ക് ഓഫ് മൗറീഷ്യസിലൂടെയാണ്.
മുംബൈ:മുംബൈയിലെ നരിമാന് പോയിന്റിലുള്ള ബാങ്ക് ഓഫ് മൗറീഷ്യസ് ശാഖയുടെ ഓണ്ലൈന് സംവിധാനം ഹാക്ക് ചെയ്ത് 143 കോടി രൂപ കവർന്നതായി പരാതി. ബാങ്ക് അധികൃതർ മുംബൈ പൊലിസിൽ നൽകിയ പരാതിയുടെ അന്വേഷണത്തില് എകണോമിക്സ് ഒഫൻസ് വിങ് അന്വേഷണം ആരംഭിച്ചു. സര്വര് ഹാക്ക് ചെയ്ത് പണം ഇന്ത്യക്ക് പുറത്തുള്ള വിവിധ അക്കൗണ്ടുകളിലേക്ക് മാറ്റുകയായിരുന്നുവെന്ന് എകണോമിക്സ് ഒഫൻസ് വിങ്ങ് വൃത്തങ്ങൾ പറഞ്ഞു.
സംഭവത്തിൽ ബാങ്ക് ജീവനക്കാർക്ക് പങ്കുണ്ടെന്നാണ് സംശയം. മൗറീഷ്യസിലെ രണ്ടാമത്തെ പൊതുമേഖല ബാങ്കാണിത്. മൗറീഷ്യസ് 20 ശതമാനം ബാങ്കിംഗ് ഇടപാട് നടത്തുന്നത് ബാങ്ക് ഓഫ് മൗറീഷ്യസിലൂടെയാണ്. കഴിഞ്ഞ ഒമ്പത് മാസത്തിനിടെ ഇന്ത്യയിലെ ബാങ്കിംഗ് ഓൺലൈൻ സംവിധാനം ഹാക്ക് ചെയ്ത് പണം കവര്ന്ന മൂന്നാമത്തെ സംഭവമാണിത്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam