അഡോൾഫ് ഹിറ്റ്‍ലർ ഇൻ പാർലമെന്റ്; പ്രതിഷേധ വേഷവുമായി ആ​ന്ധ്രാ പ്രദേശ് എംപി

മുമ്പും ഇത്തരം പ്രശസ്ത വേഷങ്ങളിൽ ശിവപ്രസാദ് പാർലമെന്റിലെത്തിയിട്ടുണ്ട്. ആ​ന്ധ്രാപ്രദേശിന് പ്രത്യേക പദവി നൽകണമെന്ന് ആവശ്യത്തിൻ മേലാണ് ശിവപ്രസാദിന്റെ ഈ പ്രതിഷേധ വേഷങ്ങൾ.   

ആന്ധ്രാപ്രദേശ്: പാർലമെന്റ് ഹാളിലേക്ക് കയറി വന്ന ആളെക്കണ്ട് അം​ഗങ്ങൾ ആദ്യമൊന്നമ്പരന്നു. ജർമ്മൻ സ്വേച്ഛാധിപതി അഡോൾഫ് ഹിറ്റല്റിന്റെ വേഷത്തിൽ പാർലമെന്റിലേക്ക് നാടകീയമായി കയറി വന്നത് തെലു​ഗുദേശം പാർ‌ട്ടി എംപിയും മുൻസിനിമാതാരവുമായ നാരമള്ളി ശിവപ്രസാദ് ആയിരുന്നു. മുമ്പും ഇത്തരം പ്രശസ്ത വേഷങ്ങളിൽ ശിവപ്രസാദ് പാർലമെന്റിലെത്തിയിട്ടുണ്ട്. ആ​ന്ധ്രാപ്രദേശിന് പ്രത്യേക പദവി നൽകണമെന്ന് ആവശ്യത്തിൻ മേലാണ് ശിവപ്രസാദിന്റെ ഈ പ്രതിഷേധ വേഷങ്ങൾ.

മൂന്ന് ദിവസങ്ങൾക്ക് മുമ്പ് ശ്രീരാമ വേഷത്തിലായിരുന്നു പ്രതിഷേധം. പ്രത്യക പദവി വിഷയത്തിൽ പ്രതിഷേധിത്ത് നാരദമുനിയായും സത്യസായി ബാബയായും ഇദ്ദേഹം ഇവിടെയെത്തിയിരുന്നു. ആന്ധ്രാ പ്രേദശ് മുഖ്യമന്ത്രി ചന്ദ്രബാബു നായിഡുവിന്റെ നേതൃത്വത്തിലുള്ള തെലു​ഗു ദേശം പാർ‌ട്ടിക്ക് പ്രത്യേക പദവി വേണമെന്നുള്ള ആവശ്യം വളരെ ശക്തമാണ്. എന്നാൽ ബിജെപി സർക്കാർ ഈ ആവശ്യം പരിഗണിക്കാത്തതിനെ തുടർന്ന് എൻഡിഎയ്ക്കുല്ല പിന്തുണ പിൻവലിച്ചിരുന്നു. അമിത് ഷായ്ക്ക് അയച്ച കത്തിൽ പിന്തുണ പിൻവലിക്കുന്നതിന്റെ കാരണം വ്യക്തമാക്കിയിരുന്നു.