അജയ് മാക്കൻ ദില്ലിയിലെ കോൺ​ഗ്രസ് അധ്യക്ഷസ്ഥാനം രാജി വച്ചു

ആരോ​ഗ്യപരമായ പ്രശ്നങ്ങൾ ഉള്ളത് കൊണ്ടാണ് താൻ രാജി വയ്ക്കുന്നതെന്ന് കോൺ​ഗ്രസ് പ്രസിഡന്റ് രാഹുൽ​ഗാന്ധിയെ അറിയിച്ചതായി ഔദ്യോ​ഗിക വൃത്തങ്ങൾ പറയുന്നു. എന്നാൽ രാജി ഇതുവരെ സ്വീകരിച്ചതായി അറിയാൻ സാധിച്ചിട്ടില്ല. 

ദില്ലി: ദില്ലി കോൺ​ഗ്രസ് അധ്യക്ഷൻ അജയ് മാക്കൻ രാജിവച്ചു. മുൻ പാർലമെന്റ് അം​ഗമായ അജയ് മാക്കൻ  2015 മുതൽ കോൺ​ഗ്രസ് പാർട്ടിയുടെ തലപ്പത്തുണ്ട്. ആരോ​ഗ്യപരമായ പ്രശ്നങ്ങൾ ഉള്ളത് കൊണ്ടാണ് താൻ രാജി വയ്ക്കുന്നതെന്ന് കോൺ​ഗ്രസ് പ്രസിഡന്റ് രാഹുൽ​ഗാന്ധിയെ അറിയിച്ചതായി ഔദ്യോ​ഗിക വൃത്തങ്ങൾ പറയുന്നു. എന്നാൽ രാജി ഇതുവരെ സ്വീകരിച്ചതായി അറിയാൻ സാധിച്ചിട്ടില്ല. ചികിത്സയ്ക്കായി വിദേശത്തേയ്ക്ക് പോകാനുള്ള തയ്യാറെടുപ്പിലാണ് അജയ് മാക്കൻ. 

കഴിഞ്ഞ ആഴ്ച  അജയ് മാക്കൻ തന്റെ തീരുമാനം രാഹുൽ ​ഗാന്ധിയെ അറിയിച്ചതായി മറ്റ് കോൺ​ഗ്രസ് നേതാക്കൾ വെളിപ്പെടുത്തുന്നു. പദവിയിൽ തുടരാൻ പാർട്ടി നേതൃത്വം അജയ് മാക്കനോട് ആവശ്യപ്പെട്ടിട്ടുണ്ട്. മൂന്ന് വർഷങ്ങൾക്ക് മുമ്പ് അർവിന്ദ് സിം​ഗ് ലവ്ലിയെ  മാറ്റിയാണ് അജയ് മാക്കൻ ദില്ലിയിലെ കോൺ​ഗ്രസ് അധ്യക്ഷ പദവിയിലെത്തിയത്.