ഹനുമാന് മുസ്ലിമാണെന്ന വാദവുമായി ബിജെപി നേതാവ്
Synopsis
റഹ്മാൻ, റംസാന്, ഫര്മാന്, സിഷാന്, ഖുര്ബാന് തുടങ്ങിയ പേരുകള്ക്ക് ഹനുമാന്റെ പേരുമായി സാമ്യമുണ്ടെന്നും ഈ പേരുകളെല്ലാം ഉരുത്തിരിഞ്ഞത് ഹനുമാനില് നിന്നാണെന്നും ബുക്കല് നവാബ് മാധ്യമങ്ങളോട് പറഞ്ഞു. ഉത്തര്പ്രദേശ് നിയമനിര്മ്മാണ കൗണ്സില് അംഗം കൂടിയാണ് അദ്ദേഹം.
ലക്നൗ: ഹനുമാന് ദലിതനായിരുന്നുവെന്ന യുപി മുഖ്യമന്ത്രി യോഗി ആദിത്യനാഥിന്റെ വിവാദ പരമാര്ശത്തിന് പിന്നാലെ ഹനുമാന് മുസ്ലിമായിരുന്നെന്ന വാദവുമായി ഉത്തര്പ്രദേശിലെ മറ്റൊരു ബിജെപി നേതാവ്. സമാജ്വാജി പാര്ട്ടി വിട്ട് ബിജെപിയില് ചേര്ന്ന ബുക്കല് നവാബാണ് പുതിയ വാദവുമായി രംഗത്തെത്തിയത്.
റഹ്മാൻ, റംസാന്, ഫര്മാന്, സിഷാന്, ഖുര്ബാന് തുടങ്ങിയ പേരുകള്ക്ക് ഹനുമാന്റെ പേരുമായി സാമ്യമുണ്ടെന്നും ഈ പേരുകളെല്ലാം ഉരുത്തിരിഞ്ഞത് ഹനുമാനില് നിന്നാണെന്നും ബുക്കല് നവാബ് മാധ്യമങ്ങളോട് പറഞ്ഞു. ഉത്തര്പ്രദേശ് നിയമനിര്മ്മാണ കൗണ്സില് അംഗം കൂടിയാണ് അദ്ദേഹം.
നേരത്തെ രാജസ്ഥാനില് തെരഞ്ഞെടുപ്പ് റാലിയില് സംസാരിക്കവെയാണ് ഹനുമാന് ദളിത് വിഭാഗക്കാരനാണെന്ന് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് പറഞ്ഞത്. പ്രസ്താവന വിവാദമായെങ്കിലും പിന്വലിക്കാന് അദ്ദേഹം തയ്യാറായിരുന്നില്ല. ഹനുമാന്റെ ജാതി പറയുന്നവര് മറ്റു ദൈവങ്ങളുടെ ജാതി കൂടി വെളിപ്പെടുത്താന് തയ്യാറാവണമെന്ന് എസ്.പി നേതാവ് അഖിലേഷ് യാദവ് പറഞ്ഞിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam