ബിജെപിക്ക് തിരിച്ചടിയെന്ന് സര്വ്വേ; വിശാലപ്രതിപക്ഷം ഒന്നിച്ചാല് ബിജെപി തകര്ന്നടിയും
Synopsis
ബിജെപിക്കെതിരായി ബിഎസ്പി, എസ്പി, ആര്എല്ഡി, കോണ്ഗ്രസ് എന്നിവര് ബിജെപിക്കെതിരായി ഒന്നിച്ചാല് പത്തില് താഴെ സീറ്റുകള് മാത്രമാവും ബിജെപിക്ക് ലഭിക്കുകയെന്നാണ് സര്വ്വേ വിശദമാക്കുന്നത്.
ദില്ലി: ബിഎസ്പി, എസ്പി സഖ്യവുമായി കോണ്ഗ്രസ് സഖ്യമുണ്ടാക്കിയാല് ഉത്തര്പ്രദേശില് ബിജെപിക്ക് ലഭിക്കുക അഞ്ച് സീറ്റുകള് മാത്രമെന്ന് സര്വ്വേ ഫലം. കോണ്ഗ്രസിനെ സഖ്യത്തില് നിന്ന് ഒഴിവാക്കിയതിലൂടെ സമാജ്വാദി പാര്ട്ടിയും ബഹുജന് സമാജ് പാര്ട്ടിയും ചെയ്തത് വലിയ തെറ്റാണെന്നും ഇന്ത്യാ ടുഡേ സര്വ്വേ ഫലം പറയുന്നു. ബിജെപിക്കെതിരായി ബിഎസ്പി, എസ്പി, ആര്എല്ഡി, കോണ്ഗ്രസ് എന്നിവര് ബിജെപിക്കെതിരായി ഒന്നിച്ചാല് പത്തില് താഴെ സീറ്റുകള് മാത്രമാവും ബിജെപിക്ക് ലഭിക്കുകയെന്നാണ് സര്വ്വേ വിശദമാക്കുന്നത്.
രാജ്യത്തെ രാഷ്ട്രീയ സാഹചര്യങ്ങള് വിലയിരുത്തുന്ന ഏജൻസിയായ മൂഡ് ഓഫ് നേഷന്റേതാണ് സര്വ്വേ. 2014 ലെ ലോക്സഭാ തെരഞ്ഞെടുപ്പില് ബിജെപിയും സഖ്യകക്ഷിയായ അപ്നാ ദളും ചേര്ന്ന് 80 ല് 73 സീറ്റുകളും നേടിയിരുന്നു. ഇവര് ചേര്ന്നുള്ള വോട്ട് ഷെയര് 43.3 ശതമാനമായിരുന്നു. എന്നാല് നിലവിലെ സാഹചര്യത്തില് 73 സീറ്റ് എന്നത് 5 സീറ്റ് എന്നതിലേക്ക് ചുരുങ്ങുമെന്നും സര്വ്വേ പറയുന്നു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam