ചാരപ്രവർത്തനം: ബ്രഹ്മോസ് എഞ്ചിനീയർ അറസ്റ്റിൽ

ബ്രഹ്മോസ് മിസൈലിന്റെ ടെക്നിക്കൽ വിഭാ​​ഗത്തിലായിരുന്നു നിഷാന്ത് അ​ഗർവാൾ ജോലി ചെയ്തിരുന്നു. നാഷണൽ ഇൻസ്റ്റിറ്റ്യൂട്ട് ഓഫ് ടെക്നോളജിയിൽ ​ഗോൾഡ് മെഡലോടെയാണ് ഇയാൾ പഠനം പൂർത്തിയാക്കിയത്. 

മഹാരാഷ്ട്ര: മഹാരാഷ്ട്രയിലെ നാ​ഗ്പൂരിൽ ബ്രഹ്മോസ് എയറോസ്പേസ് പ്രൈവറ്റ് ലിമിറ്റഡിലെ എഞ്ചിനീയറെ ചാരവൃത്തിയിൽ അറസ്റ്റ് ചെയ്തു. പാകിസ്ഥാനിലേക്ക് ബ്രഹ്മോസ് മിസൈലിന്റെ നയതന്ത്ര രഹസ്യങ്ങൾ ചോർത്തിയതിന്റെ പേരിലാണ് നിഷാന്ത് അ​ഗർവാളിനെ തീവ്രവാദ വിരുദ്ധ സംഘം അറസ്റ്റ് ചെയ്തത്. ഡിആർഡിഒ ജീവനക്കാരനായ നിഷാന്ത് അ​​ഗർവാൾ നാലു വർഷമായി ഇവിടെ ജോലി ചെയ്യുന്നു. ഉത്തർപ്രദേസ്, മഹാരാഷ്ട്ര അം​ഗങ്ങളുടെ സംയുക്ത നീക്കത്തിലാണ് ഇയാൾ പിടിയിലായത്. 

ബ്രഹ്മോസ് മിസൈലിന്റെ ടെക്നിക്കൽ വിഭാ​​ഗത്തിലായിരുന്നു നിഷാന്ത് അ​ഗർവാൾ ജോലി ചെയ്തിരുന്നു. നാഷണൽ ഇൻസ്റ്റിറ്റ്യൂട്ട് ഓഫ് ടെക്നോളജിയിൽ ​ഗോൾഡ് മെഡലോടെയാണ് ഇയാൾ പഠനം പൂർത്തിയാക്കിയത്. കഴിഞ്ഞ ആഴ്ചയായിരുന്നു വിവാഹം. നാ​ഗ്പൂരിലെ പ്രതിരോധ ​ഗവേഷണ വികസന വിഭാ​ഗത്തിൽ നിന്നും മിസൈലുകൾക്ക് ആവശ്യമായ പ്രോപ്പലന്റുകളും ഇന്ധനവും വികസിപ്പിക്കുന്ന വിഭാ​ഗത്തിലാണ് ഇയാൾ ജോലി ചെയ്തിരുന്നത്. ഏറ്റവും വേ​ഗതയേറിയ ക്രൂയിസ് മിസൈലിന്റെ വിവരങ്ങൾ ചോർന്നിട്ടുണ്ടാകുമെന്നാണ് പൊലീസ് സംശയിക്കുന്നത്.