വഴിയരികില് കൊല്ലപ്പെട്ട നിലയില് യുവതിയുടെ മൃതദേഹം; സിസിടിവി പരിശോധിച്ച പൊലീസ് കണ്ടത്
Synopsis
വടക്കുകിഴക്കൻ ഡൽഹിയില് കഴിഞ്ഞദിവസം കൊല്ലപ്പെട്ട യുവതി ആക്രമിക്കപ്പെടുന്നതിന്റെ സിസിടിവി ദൃശ്യങ്ങള് പൊലീസിന് ലഭിച്ചു. തന്റെ വീടിന് തൊട്ടടുത്തുള്ള റോഡില് വെച്ച് യുവതിയെ ഒരു യുവാവ് കത്തിയുമായി ഭീഷണിപ്പെടുത്തുന്നതിന്റെയും ആക്രമിക്കുന്നതിന്റെയും ദൃശ്യങ്ങള് അടുത്തുള്ള വീട്ടിലെ ക്ലോസ്ഡ് സര്ക്യൂട്ട് ക്യാമറയിലാണ് പതിഞ്ഞത്. ഗുരുതരമായി പരിക്കേറ്റ 21വയസുള്ള യുവതി ഇന്നലെ ആശുപത്രിയിൽ വെച്ച് ചികിത്സയിലിരിക്കെ മരണപ്പെട്ടിരുന്നു.
ആദില് എന്ന യുവാവാണ് യുവതിയെ ആക്രമിച്ചതെന്ന് ദൃശ്യങ്ങളില് നിന്ന് തിരിച്ചറിഞ്ഞിട്ടുണ്ട്. ഒരു വര്ഷത്തോളമായി ഇയാള് മകളെ പിന്തുടരുകയായിരുന്നുവെന്ന് യുവതിയുടെ മാതാപിതാക്കൾ പറയുന്നു. വാഹനമോഷണമടക്കം ഇയാളുടെ പേരില് നിരവധി ക്രിമിനല് കേസുകളുള്ളതായി പൊലീസ് പറയുന്നു. ഏതാനും നാള് മുമ്പ് ഡല്ഹിയില് നിന്നും പോയ ഇയാള് തിരിച്ചെത്തിയ ദിവസം തന്നെ യുവതിയെ ആക്രമിക്കുകയായിരുന്നു. കൂടുതല് തെളിവുകള്ക്കായി യുവതിയുടെ ഫോണ്കോള് വിവരങ്ങള് പരിശോധിച്ചുവരികയാണെന്ന് പൊലീസ് വൃത്തങ്ങള് അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam