പൊലീസ് സ്ഥത്ത് നിലയുറപ്പിച്ചിരിക്കുകയാണ്. ക്രമസമാധാന പ്രശ്നം നിലനില്‍ക്കുന്നതിനാല്‍ പള്ളിക്കുള്ളില്‍ പ്രവേശിക്കാനാവില്ലെന്ന നിലപാടിലാണ് പൊലീസ്.
കൊച്ചി: പെരുമ്പാവൂർ ബഥേൽ സുലോക്കോ പള്ളിയില്‍ ആരാധനക്കെത്തിയ ഓർത്തഡോക്സ് വിഭാഗത്തെ യാക്കോബായ വിഭാഗം വീണ്ടും തടഞ്ഞു. ഇതോടെ ഓർത്തഡോൿസ്‌ വിഭാഗം പള്ളി പുറത്തു നിന്ന് പൂട്ടി. പ്രശ്നം രൂക്ഷമായതോടെ തഹസില്‍ദാരുടെ മധ്യസ്ഥതയില്‍ ചര്‍ച്ച പുരോഗമിക്കുകയാണ്. പൊലീസ് സ്ഥത്ത് നിലയുറപ്പിച്ചിരിക്കുകയാണ്. ക്രമസമാധാന പ്രശ്നം നിലനില്‍ക്കുന്നതിനാല്‍ പള്ളിക്കുള്ളില്‍ പ്രവേശിക്കാനാവില്ലെന്ന നിലപാടിലാണ് പൊലീസ്.
ഓര്‍ത്തഡോക്സ് വിഭാഗത്തിന് പള്ളിയില്‍ മുഴുവന്‍ സമയ ആരാധന നടത്താമെന്ന് കോടതി നേരത്തേ ഉത്തരവിട്ടിരുന്നു. ഇതേതുടര്‍ന്ന് കഴിഞ്ഞ ദിവസം കുറുബാനയ്ക്ക് പള്ളിയിലെത്തിയ ഓര്‍ത്തജഡോക്സ് വിഭാഗത്തെ യാക്കോബായ വിഭാഗം തടഞ്ഞിരുന്നു. പെരുമ്പാവൂര്‍ എസ് പി യുടെ നേതൃത്വത്തില്‍ ചര്‍ച്ച നടത്തിയതോടെയാണ് തര്‍ക്കം അവസാനിപ്പിച്ച് പള്ളിയില്‍നിന്ന് വൈകീട്ടോടെ ഇരുവിഭാഗവും പിരിഞ്ഞ് പോയത്.