ചായ കുടിക്കാൻ സുഹൃത്തുക്കൾക്കൊപ്പം പീലമേട് റെയിൽവേ സ്റ്റേഷന് സമീപത്തെ കടയിൽ എത്തിയതായിരുന്നു ശ്രീഹരി. അപ്പോഴാണ് പെട്രോളിയം ഉൽപന്നങ്ങൾ കയറ്റിയുള്ള ഒരു ചരക്ക് ട്രെയിൻ ശ്രീഹരിയുടെ ശ്രദ്ധയിൽപ്പെട്ടത്. തുടർന്ന് തീവണ്ടിയുടെ മുകളിലെ കമ്പി പിടിക്കണമെന്ന തന്റെ ആഗ്രഹം ശ്രീഹരി കൂട്ടുകാരെ അറിയിച്ചു. കമ്പിയിൽ ഷോക്കുണ്ടാകുമെന്നും തൊടരുതെന്ന് സുഹൃത്തുക്കൾ മുന്നറിയിപ്പ് നൽ‌കിയിരുന്നു.
കോയമ്പത്തൂർ: തീവണ്ടിക്ക് മുകളിലെ വൈദ്യുതക്കമ്പി പിടിച്ച കോളേജ് വിദ്യാർത്ഥി ഷോക്കേറ്റ് മരിച്ചു. നീലഗിരി ജില്ല സ്വദേശി ശ്രീഹരി (18) ആണ് മരിച്ചത്. കോയമ്പത്തൂരിലെ ഒരു സ്വകാര്യ കോളജിലെ ബിസിഎ വിദ്യാർത്ഥിയാണ്. ശനിയാഴ്ച വൈകുന്നേരം നാല് മണിക്കാണ് അപകടം സംഭവിച്ചത്.
ചായ കുടിക്കാൻ സുഹൃത്തുക്കൾക്കൊപ്പം പീലമേട് റെയിൽവേ സ്റ്റേഷന് സമീപത്തെ കടയിൽ എത്തിയതായിരുന്നു ശ്രീഹരി. അപ്പോഴാണ് പെട്രോളിയം ഉൽപന്നങ്ങൾ കയറ്റിയുള്ള ഒരു ചരക്ക് ട്രെയിൻ ശ്രീഹരിയുടെ ശ്രദ്ധയിൽപ്പെട്ടത്. തുടർന്ന് തീവണ്ടിയുടെ മുകളിലെ കമ്പി പിടിക്കണമെന്ന തന്റെ ആഗ്രഹം ശ്രീഹരി കൂട്ടുകാരെ അറിയിച്ചു. കമ്പിയിൽ ഷോക്കുണ്ടാകുമെന്നും തൊടരുതെന്ന് സുഹൃത്തുക്കൾ മുന്നറിയിപ്പ് നൽ‌കിയിരുന്നു.
എന്നാൽ അതൊന്നും വകവയ്ക്കാതെ ശ്രീഹരി തീവണ്ടിക്ക് മുകളിൽ കയറുകയും വൈദ്യുതക്കമ്പിയിൽ പിടിക്കുകയുമായിരുന്നു. അപകടം നടന്ന സ്ഥലത്തുവച്ച് തന്നെ മരണം സംഭവിച്ചിരുന്നു. തുടർന്ന് സുഹൃത്തുക്കൾ പൊലീസിനെ വിവരം അറിയിക്കുകയും പോസ്റ്റ്മോർട്ടത്തിനായി മൃതദേഹം ആശുപത്രിയിലേക്ക് കൊണ്ടുപോകുകയും ചെയ്തു.