
ബെംഗളൂരു: കർണാടകത്തിൽ രാഷ്ട്രീയ നാടകങ്ങൾക്കിടെ കോൺഗ്രസ് നിയമസഭ കക്ഷി യോഗം വിളിച്ചു. മുഴുവൻ എംഎൽഎമാരും നിർബന്ധമായും നാളെ വൈകിട്ട് നടക്കുന്ന യോഗത്തിനെത്തണം എന്നാണ് നിർദ്ദേശം. അല്ലാത്തവരെ പാർട്ടിയുടെ പ്രാഥമിക അംഗത്വത്തിൽ നിന്ന് പുറത്താക്കുമെന്ന് നിയമസഭാ കക്ഷി നേതാവ് സിദ്ധരാമയ്യ വ്യക്തമാക്കി.
അതിനിടെ മൂന്ന് ദിവസത്തെ ഹരിയാന വാസത്തിനു ശേഷം ബി എസ് യെദ്യൂരപ്പ ബെംഗളൂരുവിൽ എത്തി. ഗുരുതരാവസ്ഥയിൽ കഴിയുന്ന ലിംഗായത് ആചാര്യൻ ശിവകുമാര സ്വാമിയെ കാണാനാണ് യെദ്യൂരപ്പ എത്തിയത്. ബിജെപി എം എൽ എമാർ ഹരിയാനയിൽ തുടരുകയാണ്. മുംബൈയിലുള്ള നാല് കോൺഗ്രസ് എം എൽ എമാർ ഇതുവരെ നിലപാട് വ്യക്തമാക്കിയിട്ടില്ല. ഇവരുമായി കോൺഗ്രസ് നേതാക്കൾ സംസാരിച്ചുവരികയാണ്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam