വനിതാ മതില് ഗാനത്തിന്റെ പേരില് ഇടത്-സംഘപരിവാര് സൈബര്പോര്
Synopsis
മൂന്ന് ദിവസം മുന്പേ യൂട്യൂബിലെത്തിയ വനിതാ മതില് ശീര്ഷകഗാനത്തിന് ലൈക്കും ഡിസ് ലൈക്കും ചെയ്യാനായി ഇരുവിഭാഗമായി തിരിഞ്ഞു മത്സരിക്കുകയാണ് ഇടത്-സംഘപരിവാര് അനുകൂലികള്.
തിരുവനന്തപുരം: ജനുവരി ഒന്നിന് ഇടതുമുന്നണിയുടെ നേതൃത്വത്തില് സംഘടിപ്പിക്കപ്പെടുന്ന വനിതാ മതിലിനെ ചൊല്ലിയുള്ള രാഷ്ട്രീയവൈര്യം സൈബര് ഇടങ്ങളിലേക്കും വ്യാപിക്കുന്നു.
മൂന്ന് ദിവസം മുന്പേ യൂട്യൂബിലെത്തിയ വനിതാ മതില് ശീര്ഷകഗാനത്തിന് ലൈക്കും ഡിസ് ലൈക്കും ചെയ്യാനായി ഇരുവിഭാഗമായി തിരിഞ്ഞു മത്സരിക്കുകയാണ് ഇടത്-സംഘപരിവാര് അനുകൂലികള്. ഗാനം യൂട്യൂബിലെത്തിയതിന് പിന്നാലെ ആയിരം പേര് ഗാനത്തിന് ലൈക്കടിച്ചപ്പോള് അതേസമയം പതിനായിരത്തിലേറെ പേരാണ് ഡിസ് ലൈക്ക് ചെയ്തുവിട്ടത്.
ഈ കാര്യം ശ്രദ്ധയില്പ്പെട്ട ഇടത് അനുഭാവികള് ഇക്കാര്യം തങ്ങളുടെ സൈബര് ഗ്രൂപ്പുകളിലെത്തിച്ചതോടെ ലൈക്ക്-ഡിസ് ലൈക്ക് പോര് രൂക്ഷമായി. വ്യാഴാഴ്ച്ച രാത്രിയോടെ മുപ്പതിനായിരം ലൈക്കും പത്തൊന്പതിനായിരം ഡിസ് ലൈക്കും എന്ന നിലയിലാണ് ഗാനത്തിനുള്ള റേറ്റിംഗ് നില്ക്കുന്നത്. എന്നാല് കാഴ്ച്ചക്കാരുടെ എണ്ണം 46000 മാത്രമാണ്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam