ഫ്രാങ്കോ മുളക്കലിന്‍റെ അറസ്റ്റ് വൈകുന്നതില്‍ ദില്ലിയില്‍ പ്രതിഷേധം

ഫ്രാങ്കോ മുളക്കലിന്‍റെ അറസ്റ്റ് വൈകുന്നതില്‍ ദില്ലി കേരള ഹൗസിന് മുന്നില്‍ പ്രതിഷേധം. ദില്ലി സോളിഡാരിറ്റി ഗ്രൂപ്പാണ് പ്രതിഷേധിച്ചത്. 

ദില്ലി: ഫ്രാങ്കോ മുളക്കലിന്‍റെ അറസ്റ്റ് വൈകുന്നതില്‍ ദില്ലി കേരള ഹൗസിന് മുന്നില്‍ പ്രതിഷേധം. ദില്ലി സോളിഡാരിറ്റി ഗ്രൂപ്പാണ് പ്രതിഷേധിച്ചത്.  

അതേസമയം, അറസ്റ്റ് അനിവാര്യമെന്ന് ബിഷപ്പിനെ വൈക്കം ഡിവൈ എസ് പി അനൗദ്യോഗികമായി അറിയിച്ചു.  ഫ്രാങ്കോയെ അറസ്റ്റ് ചെയ്യുമെന്ന് പഞ്ചാബ് പൊലീസിനെയും പഞ്ചാബിലുള്ള അഭിഭാഷകനെയും പൊലീസ് വിവരം അറിയിച്ചിട്ടുണ്ട്. മൂന്ന് ദിവസത്തെ ചോദ്യം ചെയ്യലിനൊടുവിലാണ് ജലന്ധര്‍ മുന്‍ ബിഷപ്പ് ഫ്രാങ്കോ മുളക്കലിനെ അറസ്റ്റ് ചെയ്യാന്‍ അന്വേഷണ സംഘം തീരുമാനിച്ചത്. 

 അറസ്റ്റിനെക്കുറിച്ച് തനിക്ക് വിവരമൊന്നുമില്ലെന്ന് ഇ.പി. ജയരാജന്‍ പറഞ്ഞു. കാര്യങ്ങള്‍ പറയേണ്ടവര്‍ പറയേണ്ട സമയത്ത് പറയുമെന്നും  ഇ.പി. ജയരാജന്‍ പറഞ്ഞു.