പ്രവാചക കേശത്തിന്‍റെ ആധികാരികത തെളിയിക്കാന്‍ കാന്തപുരത്തെ വെല്ലുവിളിച്ച് ഇ കെ സുന്നി പ്രമേയം. പ്രവാചകന്‍ മുഹമ്മദ് നബിയുടേതെന്ന് അവകാശപ്പെട്ട് കാന്തപുരം എ പി അബൂബക്കര്‍ മുസ്ല്യാരും കൂട്ടരും പുതിയ മുടി പ്രദര്‍ശിപ്പിക്കുന്നതിനെതിരെയാണ് ഇ കെ സുന്നികള്‍ രംഗത്ത് വന്നിരിക്കുന്നത്.
കോഴിക്കോട്: പ്രവാചക കേശത്തിന്‍റെ ആധികാരികത തെളിയിക്കാന്‍ കാന്തപുരത്തെ വെല്ലുവിളിച്ച് ഇ കെ സുന്നി പ്രമേയം. പ്രവാചകന്‍ മുഹമ്മദ് നബിയുടേതെന്ന് അവകാശപ്പെട്ട് കാന്തപുരം എ പി അബൂബക്കര്‍ മുസ്ല്യാരും കൂട്ടരും പുതിയ മുടി പ്രദര്‍ശിപ്പിക്കുന്നതിനെതിരെയാണ് ഇ കെ സുന്നികള്‍ രംഗത്ത് വന്നിരിക്കുന്നത്.
സംഭാവന വാങ്ങി മുടിയിട്ട വെള്ളം വിതരണം ചെയ്യുകയും ചെയ്യുന്നു. വിശ്വസത്തെ ചൂഷണം ചെയ്യുന്ന നടപടിക്കെതിരെയാണ് ഇ കെ സുന്നികളുടെ യോഗത്തിന്‍റെ പ്രമേയം. കേശത്തിന്‍റെ ആധികാരികത തെളിയിക്കണമെന്ന് പ്രമേയം ആവശ്യപ്പെടുന്നു.
പ്രവാചകന്‍റെതെന്ന് പറയുന്ന മുടി സൂക്ഷിക്കാന്‍ പള്ളിപണിയാനുള്ള നീക്കം സംശയകരമാണെന്നും പ്രമേയം ചൂണ്ടിക്കാട്ടുന്നു. സുന്നി ഐക്യചര്‍ച്ചകള്‍ക്ക് ഇത് തിരിച്ചടിയാകുമെന്നും പ്രമേയത്തില്‍ പരാമര്‍ശമുണ്ട്.