എട്ടുവയസ്സുകാരിയായ സ്കൂൾ വിദ്യാർത്ഥിനിയെ സഹപാഠി ബലാത്സം​ഗം ചെയ്തു

സ്കൂൾ വിദ്യാർത്ഥിനിയായ എട്ടുവയസ്സുകാരിയെ ഭോപ്പാലിൽ സഹപാഠിയായ വിദ്യാർത്ഥിയും സുഹൃത്തും ചേർന്ന് ബലാത്സം​ഗം ചെയ്തു. പെൺകുട്ടിയുടെ മാതാപിതാക്കളാണ് പൊലിസിൽ പരാതി നൽകിയത്

ഭോപ്പാൽ: സ്കൂൾ വിദ്യാർത്ഥിനിയായ എട്ടുവയസ്സുകാരിയെ ഭോപ്പാലിൽ സഹപാഠിയായ വിദ്യാർത്ഥിയും സുഹൃത്തും ചേർന്ന് ബലാത്സം​ഗം ചെയ്തു. പെൺകുട്ടിയുടെ മാതാപിതാക്കളാണ് പൊലിസിൽ പരാതി നൽകിയത്. വിദ്യാർത്ഥിയുടെ സുഹൃത്തിനെക്കുറിച്ച് ഇതുവരെ വിവരങ്ങളൊന്നും ലഭിച്ചിട്ടില്ലെന്ന് പൊലിസ് വെളിപ്പെടുത്തുന്നു. പെൺകുട്ടിയെ വൈദ്യപരിശോധനയ്ക്ക് വിധേയയാക്കി. റിപ്പോർട്ട് ലഭിച്ചതിന് ശേഷം സംഭവത്തെക്കുറിച്ച് അന്വേഷിക്കുന്നതിനായി പ്രത്യേക അന്വേഷണ സംഘത്തെ നിയോ​ഗിക്കുമെന്ന് പൊലിസ് അറിയിച്ചു.  

പെൺകുട്ടിയുടെ വീടിന് സമീപത്ത് വച്ച് ചൊവ്വാഴ്ചയാണ് സംഭവം നടന്നത്. ബുധനാഴ്ച പെൺകുട്ടിയുടെ മാതാപിതാക്കൾ പൊലിസിൽ പരാതിപ്പെടുകയായിരുന്നു. പ്രായപൂർത്തിയാകാത്തതിനാൽ സംഭവത്തിൽ പ്രതിയായ വിദ്യാർത്ഥിയെ അറസ്റ്റ് ചെയ്തിട്ടില്ലെന്ന് പൊലിസ് വെളിപ്പെടുത്തി. ബലാത്സം​ഗക്കേസ് രജിസ്റ്റർ ചെയ്തിട്ടുണ്ട്.