പുൽവാമയിലെ സിർനൂ ഗ്രാമത്തിൽ ഭീകരർ ഒളിച്ചിരിക്കുന്നു എന്ന് വിവരം ലഭിച്ചതിനെ തുടർന്ന് സൈന്യം അന്വേഷണത്തിനെത്തിയതായിരുന്നു. ഇത് ഏറ്റുമുട്ടലിലാണ് കലാശിച്ചത്.
ജമ്മുകാശ്മീർ: ദക്ഷിണ കാശ്മീരിലെ പുൽവാമയിൽ സുരക്ഷാ ഉദ്യോഗസ്ഥരും ഭീകരരും തമ്മിലുണ്ടായ ഏറ്റമുട്ടലിൽ മൂന്ന് ഭീകരരെ സൈന്യം വധിച്ചു. സൈനികരിലൊരാളും ഏഴ് സമീപവാസികളും ഏറ്റുമുട്ടലിൽ കൊല്ലപ്പെട്ടതായി സുരക്ഷാ ഉദ്യോഗസ്ഥർ അറിയിച്ചു. പുൽവാമയിലെ സിർനൂ ഗ്രാമത്തിൽ ഭീകരർ ഒളിച്ചിരിക്കുന്നു എന്ന് വിവരം ലഭിച്ചതിനെ തുടർന്ന് സൈന്യം അന്വേഷണത്തിനെത്തിയതായിരുന്നു. ഇത് ഏറ്റുമുട്ടലിലാണ് കലാശിച്ചത്.
കൊല്ലപ്പെട്ട ഭീകരരിൽ അബീദ് ഹുസൈൻ, അമീർ അഹമ്മദ് എന്നിവരെ തിരിച്ചറിഞ്ഞതായി സൈന്യം വെളിപ്പെടുത്തി. നിരവധി നാട്ടുകാർക്ക് പരിക്കേറ്റു. സംഘർഷാവസ്ഥ ഉള്ളതിനായിൽ ഇന്റർനെറ്റ് സംവിധാനം വിച്ഛേദിച്ചതായി അറിയിച്ചു.