അപൂര്വ രോഗത്തിന്റെ പിടിയിലെന്ന് ഇര്ഫാന് ഖാന്
Synopsis
തനിക്ക് അപൂര്വ രോഗമുണ്ടെന്ന് പ്രഖ്യാപിച്ച് ഇര്ഫാന് ഖാന് ഇത് സംബന്ധിച്ച വിശദവിവരങ്ങള് 15 ദിവസത്തിനകം പുറത്തുവിടുമെന്ന് ഇര്ഫാന് ഖാന് ട്വീറ്റ് ചെയ്തു
മുംബൈ: തനിക്ക് അപൂര്വ രോഗമുണ്ടെന്ന് പ്രഖ്യാപിച്ച് ഇര്ഫാന് ഖാന്. ഇത് സംബന്ധിച്ച വിശദവിവരങ്ങള് 15 ദിവസത്തിനകം പുറത്തുവിടുമെന്ന് ഇര്ഫാന് ഖാന് ട്വീറ്റ് ചെയ്തു. എന്നാല് ഇത് സംബന്ധിച്ച് റൂമറുകള് പ്രചരിപ്പിക്കരുതെന്ന് ഇര്ഫാന് പറയുന്നു. ഈ ഘട്ടത്തില് കുടുംബവും സുഹൃത്തുക്കളും തന്നോടൊപ്പമുണ്ടെന്നും താരം പറയുന്നു.
മഞ്ഞപ്പിത്തമായതിനാല് വിശാല് ഭരദ്വാജിന്റെ ചിത്രം ഇര്ഫാന് നേരത്തെ ഉപേക്ഷിച്ചിരുന്നു. എന്നാല് മഞ്ഞപിത്തമല്ല പ്രശ്നമെന്നാണ് ഇപ്പോഴത്തെ ട്വീറ്റ് പുറത്ത് വരുന്നത്.
പൊളിറ്റിക്കല് സറ്റയര് സീരീസ് ദ് മിനിസ്ട്രിയുടെ ഷൂട്ടിംഗിനായി പഞ്ചാബിലേക്ക് പോകാനിരിക്കുകയായിരുന്നു. അതോടൊപ്പം തന്നെ ബ്ലാക്ക്മെയിലിന്റെ പ്രമോഷനിലും പങ്കെടുക്കേണ്ടതുണ്ട്. അതിനിടയിലാണ് താരത്തിന് അസുഖം പിടിപെട്ടത്.
ഇര്ഫാന് ഖാന് ഏറ്റെടുത്ത എല്ലാ ജോലികളും റീഷെഡ്യൂള് ചെയ്യുകയാണെന്ന് അദ്ദേഹത്തിന്റെ പിആര് ടീം പ്രസ്താവനയില് അറിയിച്ചു. ആമസോണ് പ്രൈമിന്റെ വീഡിയോ സീരീസാണ് ദ് മിനിസ്ട്രി. അതിന് ശേഷം വിശാല് ഭരദ്വാജ് ചിത്രത്തിലാണ് ഇര്ഫാന് അഭിനയിക്കാനിരിക്കുന്നത്. അതിന് ശേഷമാണ് ഹിന്ദി മീഡിയം 2 ഷൂട്ടിംഗ്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam