സൈനിക സ്കൂളുകളില് പെണ്കുട്ടികള്ക്കു പ്രവേശനം നല്കും
Synopsis
ഈവര്ഷം ലഖ്നൗവിലെ സൈനികസ്കൂളിലെ ഒമ്പതാം ക്ലാസില് 15 പെണ്കുട്ടികള്ക്കും മിസോറമിലെ സൈനിക സ്കൂളിലെ ആറാം ക്ലാസില് ആറു പെണ്കുട്ടികള്ക്കും പ്രവേശനം നല്കിയിരുന്നു
ദില്ലി: രാജ്യത്തെ മുഴുവന് സൈനിക സ്കൂളുകളിലും പെണ്കുട്ടികള്ക്കു പ്രവേശനം നല്കുമെന്നു പ്രതിരോധ സഹമന്ത്രി ഡോ. സുഭാഷ് രാംറാവു ഭാംമ്രേ. എല്ലാ സൈനിക സ്കൂളിലും അതിനായി അടിസ്ഥാനസൗകര്യങ്ങള് ഒരുക്കിവരികയാണെന്നും മന്ത്രി പറഞ്ഞു.അതു സാധിച്ചാല് 2019-ല് തന്നെ പെണ്കുട്ടികള്ക്കു പ്രവേശനം നല്കുമെന്നും മന്ത്രി പറഞ്ഞു.
രാജ്യസുരക്ഷയ്ക്കായി വനിതകളെയും സജ്ജരാക്കുന്നതിന്റെ തുടക്കമാണിത്. ഈവര്ഷം ലഖ്നൗവിലെ സൈനികസ്കൂളിലെ ഒമ്പതാം ക്ലാസില് 15 പെണ്കുട്ടികള്ക്കും മിസോറമിലെ സൈനിക സ്കൂളിലെ ആറാം ക്ലാസില് ആറു പെണ്കുട്ടികള്ക്കും പ്രവേശനം നല്കിയിരുന്നു. നവംബര് 26വരെ സൈനിക സ്കൂള് പ്രവേശനത്തിന് അപേക്ഷിക്കാം.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam