തെലങ്കാന മുഖ്യമന്ത്രിയായി ചന്ദ്രശേഖര റാവു സത്യപ്രതിജ്ഞ ചെയ്തു

തെലങ്കാന മുഖ്യമന്ത്രിയായി ടി ആർ എസ് അധ്യക്ഷൻ കെ ചന്ദ്രശേഖര റാവു സത്യപ്രതിജ്ഞ ചെയ്തു.

ഹൈദരാബാദ്: തെലങ്കാന മുഖ്യമന്ത്രിയായി ടി ആർ എസ് അധ്യക്ഷൻ കെ ചന്ദ്രശേഖര റാവു സത്യപ്രതിജ്ഞ ചെയ്തു. രാജ്ഭവനിലായിരുന്നു സത്യപ്രതിജ്ഞ ചടങ്ങ്. റാവു മാത്രമാണ് ഇന്ന് സത്യപ്രതിജ്ഞ ചെയ്തത്.

അതേസമയം ടിആർഎസിന് രണ്ട് എംഎൽഎമാർ കൂടി പിന്തുണ അറിയിച്ചു. സ്വതന്ത്രനായി മത്സരിച്ച് ജയിച്ച കോൺഗ്രസ് വിമതൻ എൽ രാമലു, ഫോർവേഡ് ബ്ലോക്ക് അംഗം ചന്ദർ പട്ടേൽ എന്നിവരാണ് ചന്ദ്രശേഖര റാവുവിനെ പിന്തുണക്കുമെന്ന് പ്രഖ്യാപിച്ചത്. ഇതോടെ സഭയിൽ ടിആർഎസിന്‍റെ അംഗബലം 90 ആവും.

119 അംഗ സഭയില്‍ 88 സീറ്റിലാണ് ടിആര്‍എസ് വിജയിച്ചത്. തുടര്‍ച്ചയായി രണ്ടാം തവണയാണ് ചന്ദ്രശേഖര റാവു മുഖ്യമന്ത്രിയാകുന്നത്‌.