മേഘാലയയിലെ ഖനി അപകടം: ഒരാളുടെ മൃതദേഹം കൂടി കണ്ടെത്തി

കഴിഞ്ഞ ഡിസംബർ 13 ന് നടന്ന ഖനിയപകടത്തിൽ കണ്ടെടുക്കുന്ന രണ്ടാമത്തെ മൃതദേഹമാണിത്. മുപ്പത്തിയഞ്ച് വയസ്സുകാരൻ അമീൻ ഹുസൈൻറെ മൃതദേഹം കഴിഞ്ഞ ദിവസമാണ് രക്ഷാപ്രവർത്തക‍ർ കണ്ടെത്തിയത്. 

ഷില്ലോങ്:  മേഘാലയയിലെ ഈസ്റ്റ് ജയന്തിയ കുന്നിലെ ഖനിയിൽ കുടുങ്ങിയ തൊഴിലാളികളിൽ ഒരാളുടെ മൃതദേഹം കൂടി കണ്ടെത്തി. നാവികസേനയിലെ രക്ഷാപ്രവർത്തകരാണ് 355 അടി താഴ്ച്ചയിൽ നിന്ന് മൃതദേഹം കണ്ടെടുത്തത്. മൃതദേഹം ആരുടേതാണെന്ന് തിരിച്ചറിഞ്ഞിട്ടില്ല. കഴിഞ്ഞ ഡിസംബർ 13 ന് നടന്ന ഖനിയപകടത്തിൽ കണ്ടെടുക്കുന്ന രണ്ടാമത്തെ മൃതദേഹമാണിത്. മുപ്പത്തിയഞ്ച് വയസ്സുകാരൻ അമീൻ ഹുസൈൻറെ മൃതദേഹം കഴിഞ്ഞ ദിവസമാണ് രക്ഷാപ്രവർത്തക‍ർ കണ്ടെത്തിയത്. അപകടത്തിൽപ്പെട്ട മറ്റ് പതിമൂന്ന് തൊഴിലാളികളെപ്പറ്റി ഇനിയും വിവരമൊന്നുമില്ല.