മഹേഷ് ന​ഗർ എന്ന് പേര് മാറ്റി രാജസ്ഥാനിലെ മിയാൻ കാ ബാരാ ​​ഗ്രാമം

 മിയാൻ കാ ബാരാ എന്ന പേരിന്റെ അർത്ഥം മുസ്ലീങ്ങൾ അധിവസിക്കുന്ന ​ഗ്രാമം എന്നാണ്. അതിനാൽ ഈ ​ഗ്രാമത്തിലേക്ക് വിവാഹാലോചനകൾ വരുന്നില്ല എന്ന് വ്യാപകമായ പരാതിയെത്തുടർന്നാണ് പേര് മാറ്റമെന്നാണ് സർക്കാർ പറയുന്നത്.

രാജസ്ഥാൻ: രാജസ്ഥാനിലെ മിയാന്‍ കാ ബാര ജില്ലയുടെ പേര് മാറ്റി മഹേഷ് ന​ഗർ എന്നാക്കി. പേരുമാറ്റാനുള്ള സംസ്ഥാന സര്‍ക്കാരിന്റെ ആവശ്യം കേന്ദ്ര ആഭ്യന്തര മന്ത്രാലയം അംഗീകരിച്ചു. ബര്‍മാര്‍ ജില്ലയിലെ 1500 പേരടങ്ങുന്ന ​ഗ്രാമമായിരുന്നു മിയാൻ കാ ബാരാ. വസുന്ധര രാജയാണ് ഇവിടത്തെ മുഖ്യമന്ത്രി. മിയാൻ കാ ബാരാ എന്ന പേരിന്റെ അർത്ഥം മുസ്ലീങ്ങൾ അധിവസിക്കുന്ന ​ഗ്രാമം എന്നാണ്. അതിനാൽ ഈ ​ഗ്രാമത്തിലേക്ക് വിവാഹാലോചനകൾ വരുന്നില്ല എന്ന് വ്യാപകമായ പരാതിയെത്തുടർന്നാണ് പേര് മാറ്റമെന്നാണ് സർക്കാർ പറയുന്നത്. ​ഗ്രാമവാസികളുടെ ആവശ്യത്തെ തുടർന്നാണ് പേര് മാറ്റിയതെന്നാണ് സംസ്ഥാന സർക്കാർ നൽകുന്ന വിശദീകരണം. 

മഹേഷ് ന​ഗർ എന്ന് പേര് മാറ്റണമെന്ന് ​ഗ്രാമത്തിലെ പഞ്ചായത്താണ് തീരുമാനമെടുത്തത്. സ്വാതന്ത്ര്യം ലഭിക്കുന്നതിന് മുമ്പ് ഈ ​ഗ്രാമത്തിന്റെ പേര് മഹേഷ് റോ ബാഡോ എന്നായിരുന്നു. പിന്നീടാണ് മിയാൻ കാ ബാരാ എന്ന് പേര് മാറ്റിയത്. വീണ്ടും പഴയ പേരായ മഹേഷ് ന​ഗറിലേക്ക് തന്നെ തിരിച്ചെത്തിയതായി  ​ഗ്രാമവാസികളിലൊരാൾ പറയുന്നു. ആ​ഗസ്റ്റ് 7 ലെ ​ഗസറ്റ് വിജ്ഞാപനത്തിന് ശേഷമായിരിക്കും ഔദ്യോ​ഗികമായി ഈ പേരിൽ അറിയപ്പെടുന്നത്. ​ഗ്രാമങ്ങൾ, റെയിൽവേ സ്റ്റേഷനുകൾ, പട്ടണങ്ങൾ എന്നിവയുടെ പേര് മാറ്റുന്നതിനുള്ള അനുമതി നൽകുന്നത് കേന്ദ്ര ആഭ്യന്തര മന്ത്രാലയമാണ്. കഴിഞ്ഞ ദിവസം