മകന് മുന്നില്‍ വച്ച് അമ്മയെ ബലാത്സംഗം ചെയ്തു

ബുധനാഴ്ച രാത്രിയില്‍ വീട്ടില്‍ ഭര്‍ത്താവില്ലാതിരുന്ന സമയത്താണ് അജ്ഞാതനായ ഒരാള്‍ വീട്ടിനകത്തേക്ക് അതിക്രമിച്ച് കയറിയത്. തുടര്‍ന്ന് ഇയാള്‍ ക്രൂരമായി മര്‍ദ്ദിക്കാന്‍ തുടങ്ങി

ലുധിയാന: വീട്ടില്‍ അതിക്രമിച്ച് കയറിയ ശേഷം മകന് മുന്നിലിട്ട് അമ്മയെ ബലാത്സംഗം ചെയ്തു. ലുധിയാനയിലെ കുന്ദന്‍പുരിയില്‍ ബുധനാഴ്ച രാത്രിയാണ് സംഭവം നടന്നത്. 

യുവതി പൊലീസില്‍ നല്‍കിയ പരാതിയില്‍ സംഭവം വിശദീകരിക്കുന്നതിങ്ങനെയാണ്- ബുധനാഴ്ച രാത്രിയില്‍ വീട്ടില്‍ ഭര്‍ത്താവില്ലാതിരുന്ന സമയത്താണ് അജ്ഞാതനായ ഒരാള്‍ വീട്ടിനകത്തേക്ക് അതിക്രമിച്ച് കയറിയത്. തുടര്‍ന്ന് ഇയാള്‍ ക്രൂരമായി മര്‍ദ്ദിക്കാന്‍ തുടങ്ങി. രണ്ടുവയസ്സുകാരനായ മകന്റെ മുന്നിലിട്ട് ബലാത്സംഗം ചെയ്തു. 

ഇതിന് ശേഷം വീട്ടില്‍ നിന്നിറങ്ങിപ്പോയ ഇയാള്‍ അല്‍പസമയത്തിന് ശേഷം വീണ്ടും വന്നെങ്കിലും അയല്‍ക്കാര്‍ സഹായത്തിനെത്തിയതോടെ ഇയാള്‍ രക്ഷപ്പെടുകയായിരുന്നുവെന്നും പരാതിയില്‍ ചൂണ്ടിക്കാണിക്കുന്നു. 

സംഭവത്തില്‍ പൊലീസ് കേസെടുത്തിട്ടുണ്ട്. എന്നാല്‍ പ്രതിയെ കുറിച്ച് ഇതുവരെ സൂചനകളൊന്നും ലഭിച്ചിട്ടില്ലെന്നാണ് പൊലീസ് പറയുന്നത്.