യാത്രക്കാരെ വെട്ടിലാക്കി സ്റ്റേഷന്‍ മാറിയെത്തിയ ട്രെയിന്‍

ദില്ലി: സ്റ്റേഷന്‍ മാറി ട്രെയിനുകള്‍ ഓടുക അസാധാരണമാണ്. പഴയ ദില്ലി സ്റ്റേഷനിലാണ് സംഭവങ്ങള്‍ നടന്നത്. രാവിലെ പഴയ ദില്ലി റെയില്‍വേ സ്റ്റേഷനില്‍ പതിവില്‍ കവിഞ്ഞ തിരക്ക് അനുഭവപ്പെട്ടതോടെയാണ് ട്രെയിന്‍ സ്റ്റേഷന്‍ മാറിയെത്തിയ വിവരം ശ്രദ്ധയില്‍ പെടുന്നത്. 

തിരക്കേറിയ സമയത്ത് പാസഞ്ചര്‍ ട്രെയിന്‍ സിഗ്നല്‍ മാറിപോയത്. സിഗ്നല്‍ നല്‍കുന്നതില്‍ വീഴ്ച വരുത്തിയ ഉദ്യോഗസ്ഥനെ റെയില്‍ വേ സസ്പെന്‍ഡ് ചെയ്തു. എത്തിച്ചേരണ്ട സമയങ്ങളിലുണ്ടായ സമാനതയാണ് ആശയക്കുഴപ്പത്തിലേയ്ക്ക് എത്തിച്ചതെന്നാണ് ഇയാള്‍ നല്‍കുന്ന വിശദീകരണം. 

വളരെ അസാധാരണമായാണ് ഇത്തരം സംഭവം ഉണ്ടാകുന്നതെന്നും ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ ആവശ്യമായ നടപടികള്‍ സ്വീകരിക്കുമെന്നും റെയില്‍വേ വിശദമാക്കി. യാത്രക്കാര്‍ക്ക് നേരിട്ട ബുദ്ധിമുട്ടുകള്‍ക്ക് റെയില്‍വേ ക്ഷമാപണം നടത്തി.