ക്യാമറയ്ക്ക് പോസ് ചെയ്ത് കളിക്കാതെ 15 ഖനിത്തൊഴിലാളികളുടെ ജീവന് രക്ഷിക്കൂ; മോദിയോട് രാഹുല്
Synopsis
ഖനിതൊഴിലാളികളുടെ രക്ഷാപ്രവര്ത്തനത്തിന് ഹൈ പ്രഷര് പമ്പുകള് വേണമെന്ന ആവശ്യം മോദി സര്ക്കാര് നിരാകരിച്ചിരിക്കുകയാണ്. ദയവ് ചെയ്ത് തൊഴിലാളികളുടെ ജീവന് രക്ഷിക്കാന് വേണ്ട നടപടികള് പ്രധാനമന്ത്രി കൈകൊള്ളണം
ദില്ലി: പ്രധാനമന്ത്രി നരേന്ദ്രമോദിയ്ക്കെതിരെ വിമര്ശനവുമായി കോണ്ഗ്രസ് അധ്യക്ഷന് രാഹുല്ഗാന്ധി. മേഘാലയയിലെ ലുതാരി മേഖലയിലെ കല്ക്കരി ഖനിക്കുള്ളില് അകപെട്ട 15 തൊഴിലാളികളുടെ ജീവന് രക്ഷിക്കാന് വേണ്ട നടപടികള് കേന്ദ്രസര്ക്കാര് കൈക്കൊള്ളുന്നില്ലെന്ന് ചൂണ്ടികാട്ടിയാണ് രാഹുലിന്റെ വിമര്ശനം. ക്യാമറയ്ക്ക് മുന്നില് പോസ് ചെയ്ത് അഹങ്കാരം കാട്ടാതെ ജീവന് വേണ്ടി അപേക്ഷിക്കുന്ന ആ തൊഴിലാളികലെ രക്ഷിക്കണമെന്ന് രാഹുല് ട്വിറ്ററിലൂടെ ആവശ്യപ്പെട്ടു.
കഴിഞ്ഞ രണ്ടാഴ്ച കാലമായി 15 ഖനി തൊഴിലാളികള് ജീവന് വേണ്ടി പോരാടുകയാണ്. പ്രധാനമന്ത്രി മോദിയാകട്ടെ, ബോഗിബീലിന് മുകളില് ക്യാമറയ്ക്ക് പോസ് ചെയ്ത് രസിക്കുകയാണ്. ഖനിതൊഴിലാളികളുടെ രക്ഷാപ്രവര്ത്തനത്തിന് ഹൈ പ്രഷര് പമ്പുകള് വേണമെന്ന ആവശ്യം മോദി സര്ക്കാര് നിരാകരിച്ചിരിക്കുകയാണ്. ദയവ് ചെയ്ത് തൊഴിലാളികളുടെ ജീവന് രക്ഷിക്കാന് വേണ്ട നടപടികള് പ്രധാനമന്ത്രി കൈകൊള്ളണം. രാഹുല് ട്വിറ്ററില് കുറിച്ചതിങ്ങനെയാണ്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam