വിവാദങ്ങള്ക്കിടെ മാനസരോവറില് നിന്ന് ചിത്രങ്ങള് പോസ്റ്റ് ചെയ്ത് രാഹുല് ഗാന്ധി
Synopsis
ഇവിടെ വെറുപ്പോ പകയോ ഇല്ലെന്ന അടിക്കുറിപ്പോടെയാണ് മാനസരോവര് തടാകത്തിന്റെ ചിത്രം ട്വീറ്റ് ചെയ്തിരിക്കുന്നത്. ഒന്നും നഷ്ടപ്പെടുത്താതെ എല്ലാം നേടിത്തരുന്ന- പ്രശാന്തതയോടെ ഒഴുകുന്ന തടാകമെന്നാണ് രാഹുല് മാനസരോവറിനെ വര്ണ്ണിച്ചത്
ദില്ലി: കൈലാഷ് മാനസരോവര് യാത്രയുമായി ബന്ധപ്പെട്ട വിവാദങ്ങള്ക്കിടെ മാനസരോവറില് നിന്ന് ചിത്രങ്ങള് പങ്കുവച്ച് കോണ്ഗ്രസ് അധ്യക്ഷന് രാഹുല് ഗാന്ധി. മാനസരോവര് തടാകത്തിന്റെ ചിത്രങ്ങളാണ് രാഹുല് ഗാന്ധി ട്വിറ്ററില് പങ്കുവച്ചിരിക്കുന്നത്.
രാഹുല് ഗാന്ധിയുടെ മാനസരോവര് യാത്രയുമായി ബന്ധപ്പെട്ട് പല വിവാദവും ഇതിനോടകം വന്നുകഴിഞ്ഞു. ചൈനയുമായുള്ള ബന്ധമാണ് രാഹുലിനെ കൈലാഷ്-മാനസരോവര് യാത്രയ്ക്ക് പ്രേരിപ്പിച്ചതെന്നായിരുന്നു ബിജെപിയുടെ പ്രധാന വാദം. ഇതിന് ശേഷം മാനസരോവര് യാത്രയ്ക്കിടെ രാഹുല് മാംസം കഴിച്ചുവെന്നതായിരുന്നു ബിജെപിയുടെ അടുത്ത ആരോപണം.
ഈ വിവാദങ്ങള്ക്കിടയിലാണ് രാഹുല് ഗാന്ധിയുടെ മാനസരോവര് യാത്ര പുരോഗമിക്കുന്നത്. ഇവിടെ വെറുപ്പോ പകയോ ഇല്ലെന്ന അടിക്കുറിപ്പോടെയാണ് മാനസരോവര് തടാകത്തിന്റെ ചിത്രം ട്വീറ്റ് ചെയ്തിരിക്കുന്നത്. ഒന്നും നഷ്ടപ്പെടുത്താതെ എല്ലാം നേടിത്തരുന്ന- പ്രശാന്തതയോടെ ഒഴുകുന്ന തടാകമെന്നാണ് രാഹുല് മാനസരോവറിനെ വര്ണ്ണിച്ചത്.
ഇക്കഴിഞ്ഞ 31നായിരുന്നു രാഹുല് ഗാന്ധി യാത്ര തിരിച്ചത്. ഈ മാസം 12 വരെയായിരിക്കും യാത്ര.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam