രാജീവ് ഗാന്ധി വധക്കേസിലെ പ്രതികളെ വിട്ടയക്കണം; തമിഴ്നാട് സര്ക്കാര് ഇന്ന് ഗവർണറോട് ശുപാർശ ചെയ്യും
Synopsis
കേന്ദ്ര ഏജന്സി അന്വേഷിച്ച കേസുകളിലെ പ്രതികളെ വിട്ടയക്കുന്ന കാര്യത്തില് കേന്ദ്ര സര്ക്കാരിന്റെ അനുമതി വേണമെന്ന കോടതി ഉത്തരവ് നിലനില്ക്കുന്നുണ്ട്. ഈ സാഹചര്യത്തില് ഗവര്ണര്ക്ക് കേന്ദ്ര സര്ക്കാരില് നിന്നും അഭിപ്രായം തേടേണ്ടിവരും
ചെന്നൈ: രാജീവ് ഗാന്ധി വധക്കേസിലെ പ്രതികളെ വിട്ടയക്കണമെന്ന് തമിഴ്നാട് മന്ത്രിസഭ ഇന്ന് ഗവർണറോട് ശുപാർശ ചെയ്യും. ഇന്ന് വൈകുന്നേരം ചേരുന്ന മന്ത്രിസഭാ യോഗം ഇക്കാര്യത്തിൽ തീരുമാനമെടുക്കും. പ്രതികളുടെ ദയാഹര്ജിയില് ഗവര്ണര്ക്ക് തീരുമാനമെടുക്കാമെന്ന് സുപ്രീംകോടതി നിര്ദേശിച്ച സാഹചര്യത്തിലാണ് സര്ക്കാര് നീക്കം.
അന്തിമ തീരുമാനം ഗവര്ണറാണ് കൈക്കൊള്ളേണ്ടത്. കേന്ദ്ര ഏജന്സി അന്വേഷിച്ച കേസുകളിലെ പ്രതികളെ വിട്ടയക്കുന്ന കാര്യത്തില് കേന്ദ്ര സര്ക്കാരിന്റെ അനുമതി വേണമെന്ന കോടതി ഉത്തരവ് നിലനില്ക്കുന്നുണ്ട്.
ഈ സാഹചര്യത്തില് ഗവര്ണര്ക്ക് കേന്ദ്ര സര്ക്കാരില് നിന്നും അഭിപ്രായം തേടേണ്ടിവരും. പേരറിവാളന്, നളിനി, മുരുകന്, ശാന്തന് എന്നിവര് വെല്ലൂര് ജയിലിലും രവിചന്ദ്രന്, റോബര്ട്ട് പയസ്, ജയകുമാര് എന്നിവര് മധുര ജയിലിലുമാണ്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam