ഇന്തോനേഷ്യ ഓപ്പണ്: ലോക മൂന്നാം നമ്പറിനെ തകര്ത്ത് സിന്ധു ഫൈനലില്
Published : Jul 20, 2019, 05:13 PM IST
Synopsis
ഇന്ത്യന് ബാഡ്മിന്റണ് താരം പി വി സിന്ധു ഇന്തോനേഷ്യ ഓപ്പണിന്റെ ഫൈനലില്. ചൈനയുടെ ലോക മൂന്നാം നമ്പര് താരം ചെന് യൂഫിയെ നേരിട്ടുള്ള ഗെയിംമുകള്ക്ക് തോല്പ്പിച്ചാണ് സിന്ധു ഫൈനലില് കടന്നത്.
ജകാര്ത്ത: ഇന്ത്യന് ബാഡ്മിന്റണ് താരം പി വി സിന്ധു ഇന്തോനേഷ്യ ഓപ്പണിന്റെ ഫൈനലില്. ചൈനയുടെ ലോക മൂന്നാം നമ്പര് താരം ചെന് യൂഫിയെ നേരിട്ടുള്ള ഗെയിംമുകള്ക്ക് തോല്പ്പിച്ചാണ് സിന്ധു ഫൈനലില് കടന്നത്. സ്കോര് 21-19, 21-10. ലോക റാങ്കിങ്ങില് നിലവില് അഞ്ചാം റാങ്കുകാരിയാണ് സിന്ധു.
46 മിനിറ്റുകള്ക്കൊടുവിലാണ് സിന്ധു മത്സരം പൂര്ത്തിയാക്കിയത്. ആദ്യ ഗെയിമില് ചൈനീസ് താരത്തിന്റെ കടുത്ത പ്രതിരോധത്തെ അതിജീവിക്കേണ്ടി വന്നു സിന്ധുവിന്. ഒരു ഘട്ടത്തില് 3-7ന് മുന്നിലായിരുന്നു ചെന്. അവസാനങ്ങളില് 18-18ന് ഒപ്പമെത്തിയ സിന്ധു പിന്നാലെ ഗെയിം സ്വന്തമാക്കി.
രണ്ടാം ഗെയിമില് ആധികാരികമായിരുന്നു സിന്ധുവിന്റെ പ്രകടനം. 15-8ന് മുന്നിലെത്തിയ സിന്ധു പിന്നീട് രണ്ട് പോയിന്റ് കൂടി വി്ട്ടുനല്കി ഗെയിം സ്വന്തമാക്കി.