തായ്ലന്ഡ് ഓപ്പണ്: സൈന നേവാള് ക്വാര്ട്ടര് കാണാതെ പുറത്ത്
Synopsis
തായ്ലന്ഡ് ഓപ്പണില് ഇന്ത്യന് താരം സൈന നേവാള് ക്വാര്ട്ടര് കാണാതെ പുറത്ത്. പരിക്ക് ശേഷം കോര്ട്ടിലേക്ക് തിരിച്ചെത്തിയ സൈനയെ ജപ്പാന്റെ സയാക തകഹാഷിയാണ് പരാജയപ്പെടുത്തിയത്.
ബാങ്കോക്ക്: തായ്ലന്ഡ് ഓപ്പണില് ഇന്ത്യന് താരം സൈന നേവാള് ക്വാര്ട്ടര് കാണാതെ പുറത്ത്. പരിക്കിന് ശേഷം കോര്ട്ടിലേക്ക് തിരിച്ചെത്തിയ സൈനയെ ജപ്പാന്റെ സയാക തകഹാഷിയാണ് പരാജയപ്പെടുത്തിയത്. ഒന്നിനെതിരെ മൂന്ന് ഗെയിമുകള്ക്കായിരുന്നു സൈനയുടെ തോല്വി. സ്കോര്: 21-16, 11-21, 14-21. ആദ്യ ഗെയിം സൈന സ്വന്തമാക്കിയെങ്കിലും തുടര്ന്നുള്ള രണ്ട് ഗെയിമുകളും താരം കൈവിട്ടു.
പരിക്കില് നിന്ന് മോചിതയായി കോര്ട്ടില് തിരിച്ചെത്തിയ സൈന ആദ്യ മത്സരത്തില് തായ്ലന്ഡ് താരം ചെയ്വാനെ നേരിട്ടുള്ള ഗെയിമുകള്ക്ക് തോല്പ്പിച്ചിരുന്നു.
അതേസമയം, ഡബിള്സില് ഇന്ത്യയുടെ സ്വാതിക്- ചിരാഗ് ജോഡി ക്വാര്ട്ടറിലേക്ക് മുന്നേറി. ടൂര്ണമെന്റില് നിന്ന് പി വി സിന്ധു പിന്മാറിയിരുന്നു.