സൗദി അറേബ്യയിൽ ഇന്ന് 114 പേർക്ക് കൊവിഡ് സ്ഥിരീകരിച്ചു; 303 പേർ കൂടി രോഗമുക്തരായി

നിലവിലുള്ള രോഗബാധിതരിൽ 6,148 പേരാണ് ഇപ്പോള്‍ ചികിത്സയിൽ കഴിയുന്നത്. ഇതിൽ 88 പേരുടെ നില ഗുരുതരമാണ്. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്.

റിയാദ്: സൗദി അറേബ്യയിൽ 114 പേർക്ക് കൂടി കൊവിഡ് ബാധ സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. നിലവിലെ രോഗബാധിതരിൽ 303 പേർ സുഖം പ്രാപിച്ചു. 24 മണിക്കൂറിനിടെ ഒരു കൊവിഡ് മരണവും റിപ്പോർട്ട് ചെയ്തു. രാജ്യത്ത് ഇതുവരെ റിപ്പോർട്ട് ചെയ്ത ആകെ കൊവിഡ് കേസുകളുടെ എണ്ണം 7,51,518 ആയി. ആകെ രോഗമുക്തരുടെ എണ്ണം 7,36,316 ആയി ഉയർന്നു. ആകെ മരണസംഖ്യ 9,054 ആയി ഉയർന്നു. 

നിലവിലുള്ള രോഗബാധിതരിൽ 6,148 പേരാണ് ഇപ്പോള്‍ ചികിത്സയിൽ കഴിയുന്നത്. ഇതിൽ 88 പേരുടെ നില ഗുരുതരമാണ്. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്. 24 മണിക്കൂറിനിടെ 12,929 ആർ.ടി പി.സി.ആർ പരിശോധനകൾ നടത്തി. റിയാദ് - 22, ജിദ്ദ - 22, മക്ക - 14, തായിഫ് - 14, മദീന - 13, അബഹ - 4, ദമ്മാം - 3, ജിസാൻ - 3 എന്നിങ്ങനെയാണ് രാജ്യത്തെ വിവിധ ഭാഗങ്ങളിൽ പുതിയ കൊവിഡ് കേസുകൾ റിപ്പോർട്ട് ചെയ്‍തത്. രാജ്യത്ത് ഇതുവരെ 63,273,358 ഡോസ് വാക്സിൻ കുത്തിവെച്ചു. ഇതിൽ 26,283,466 ആദ്യ ഡോസും 24,602,529 രണ്ടാം ഡോസും 12,387,363 ബൂസ്റ്റർ ഡോസുമാണ്.