ഒമാനില് കൊവിഡ് ബാധിച്ച് ആശുപത്രികളില് കഴിയുന്നത് 23 പേര് മാത്രം
Synopsis
ഔദ്യോഗിക കണക്കുകള് പ്രകാരം രാജ്യത്ത് ഇതുവരെ 3,89,126 പേര്ക്ക് കൊവിഡ് വൈറസ് ബാധ സ്ഥിരീകരിച്ചിട്ടുണ്ട്. ഇവരില് 3,84,243 പേര് ഇതിനോടകം തന്നെ രോഗമുക്തരായി.
മസ്കത്ത്: ഒമാനില് ഇന്ന് 13 പേര്ക്ക് കൂടി കൊവിഡ് വൈറസ് ബാധ സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. ചികിത്സയിലായിരുന്ന 28 പേര് രോഗമുക്തരായി. അതേസമയം രാജ്യത്ത് പുതിയ കൊവിഡ് മരണങ്ങളൊന്നും റിപ്പോര്ട്ട് ചെയ്യപ്പെട്ടിട്ടില്ല.
ഔദ്യോഗിക കണക്കുകള് പ്രകാരം രാജ്യത്ത് ഇതുവരെ 3,89,126 പേര്ക്ക് കൊവിഡ് വൈറസ് ബാധ സ്ഥിരീകരിച്ചിട്ടുണ്ട്. ഇവരില് 3,84,243 പേര് ഇതിനോടകം തന്നെ രോഗമുക്തരായി. 4258 കൊവിഡ് മരണങ്ങളാണ് രാജ്യത്ത് ഇതുവരെ റിപ്പോര്ട്ട് ചെയ്യപ്പെട്ടിട്ടുള്ളത്. നിലവില് 98.7 ശതമാനമാണ് രാജ്യത്തെ കൊവിഡ് മുക്തി നിരക്ക്.
കഴിഞ്ഞ 24 മണിക്കൂറിനിടെ രണ്ട് കൊവിഡ് രോഗികളെയാണ് രാജ്യത്തെ ആശുപത്രികളില് പ്രവേശിപ്പിച്ചതെന്ന് ഔദ്യോഗിക കണക്കുകള് പറയുന്നു. ഇവര് ഉള്പ്പെടെ 23 പേര് ഇപ്പോള് വിവിധ ആശുപത്രികളില് ചികിത്സയില് കഴിയുന്നുണ്ട്. എന്നാല് ഇവരില് ഗുരുതരാവസ്ഥയില് തീവ്ര പരിചരണ വിഭാഗത്തില് കഴിയുന്നത് നാല് പേര് മാത്രമാണ്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam