കുവൈത്തിൽ വൻ ലഹരിമരുന്ന് വേട്ട; പിടിച്ചെടുത്തത് 60 കിലോഗ്രാം ഹാഷിഷ്, വിദേശി അറസ്റ്റിൽ

രാജ്യത്തിനകത്ത് ലഹരിമരുന്ന് വിതരണം ചെയ്യാനാണ് പ്രതി ലക്ഷ്യമിട്ടിരുന്നത്. 

കുവൈത്ത് സിറ്റി: കുവൈത്തില്‍ വന്‍ ലഹരിമരുന്ന് വേട്ട. 60 കിലോഗ്രാം ഹാഷിഷുമായി വിദേശിയെ പിടികൂടി. ഈജിപ്ത് സ്വദേശിയാണ് പിടിയിലായത്.

രാജ്യത്തിനകത്ത് വിതരണം ചെയ്യാന്‍ ലക്ഷ്യമിട്ട് എത്തിച്ചതാണ് ഈ ലഹരിമരുന്ന് ശേഖരം. അറസ്റ്റിലായ പ്രതിയുടെ കൈവശം ഒഴിഞ്ഞ ചെറിയ പാക്കറ്റുകളും കണ്ടെടുത്തു. ഈ പാക്കറ്റുകളില്‍ ലഹരിമരുന്ന് നിറച്ച് വില്‍പ്പന നടത്താനായിരുന്നു ഉദ്ദേശിച്ചിരുന്നത്. ലഹരിമരുന്ന് കൈവശം ഉണ്ടെന്ന വിവരം ലഭിച്ചതിനെ തുടര്‍ന്ന് മയക്കുമരുന്ന് എന്‍ഫോഴ്സ്മെന്‍റ് ജനറല്‍ വിഭാഗം നടത്തിയ പരിശോധനയിലാണ് പ്രതി പിടിയിലായതെന്ന് ആഭ്യന്തര മന്ത്രാലയത്തിന്‍റെ പബ്ലിക് റിലേഷന്‍സ് ആന്‍ഡ് മീഡിയ വിഭാഗം അറിയിച്ചു. 

ഏഷ്യാനെറ്റ് ന്യൂസ് ലൈവ് കാണാം