വ്യാപക പരിശോധന തുടരുന്നു; 62 പ്രവാസികള് കൂടി അറസ്റ്റില്
Synopsis
പിടിയിലായവരില് 45 പേരും തിരിച്ചറിയല് രേഖകള് കൈവശമില്ലാത്തവരായിരുന്നു. നാല് പേരുടെ താമസ രേഖകളുടെ കാലാവധി കഴിഞ്ഞതായും 12 പേര് തൊഴില് നിയമങ്ങള് ലംഘിച്ച് ജോലി ചെയ്തിരുന്നതായും കണ്ടെത്തി.
കുവൈത്ത് സിറ്റി: കുവൈത്തില് അധികൃതര് നടത്തിയ പരിശോധനകളില് 62 പ്രവാസികള് കൂടി അറസ്റ്റിലായി. കഴിഞ്ഞ ദിവസം ജഹ്റ ഗവര്ണറേറ്റില് നടത്തിയ പരിശോധനകളിലാണ് നിയമലംഘകരായ ഇത്രയും പേര് പിടിയിലായതെന്ന് ആഭ്യന്തര മന്ത്രാലയം പുറത്തിറക്കിയ പ്രസ്താവനയില് അറിയിച്ചു.
പിടിയിലായവരില് 45 പേരും തിരിച്ചറിയല് രേഖകള് കൈവശമില്ലാത്തവരായിരുന്നു. നാല് പേരുടെ താമസ രേഖകളുടെ കാലാവധി കഴിഞ്ഞതായും 12 പേര് തൊഴില് നിയമങ്ങള് ലംഘിച്ച് ജോലി ചെയ്തിരുന്നതായും കണ്ടെത്തി. മറ്റൊരു കേസില് പൊലീസ് അന്വേഷിച്ചിരുന്ന ഒരു പ്രവാസിയെയും പരിശോധനയ്ക്കിടെ ജഹ്റയില് പിടികൂടി.
Read also: വേശ്യാവൃത്തി; പരിശോധനയില് പ്രവാസികള് അറസ്റ്റിലായി
ഒപ്പം ഗതാഗത നിയമങ്ങള് ലംഘിച്ച 32 പേരെയും ജഹ്റ ഗവര്ണറേറ്റില് നിന്ന് അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചിട്ടുണ്ട്. നിയമവിരുദ്ധമായി പ്രവര്ത്തിച്ചിരുന്ന ഒരു മൊബൈല് ഗ്രോസറി വില്പന കേന്ദ്രവും പിടിച്ചെടുത്തു. പിടിയിലായ എല്ലാവരെയും തുടര് നിയമ നടപടികള്ക്കായി ബന്ധപ്പെട്ട വിഭാഗങ്ങള്ക്ക് കൈമാറിയിട്ടുണ്ടെന്ന് അധികൃതര് അറിയിച്ചു.
അബുദാബി: യുഎഇയില് അല് ഹുസ്ന് ആപ്ലിക്കേഷനിലെ ഗ്രീന് പാസിന് ആവശ്യമായ കൊവിഡ് പരിശോധനയുടെ കാലാവധി കുറച്ചു. നിലവിലുള്ള 30 ദിവസത്തില് നിന്ന് 14 ദിവസമാക്കിയാണ് കാലാവധി കുറച്ചിരിക്കുന്നത്. തിങ്കളാഴ്ചയാണ് ഇത് സംബന്ധിച്ച അറിയിപ്പ് അധികൃതര് പുറപ്പെടുവിച്ചത്.
പുതിയ അറിയിപ്പ് പ്രകാരം വാക്സിനെടുത്തവര്ക്ക് അല് ഹുസ്ന് ആപ്ലിക്കേഷനില് ഗ്രീന് പാസ് ലഭിക്കുന്നതിന് നിലവില് 30 ദിവസത്തിലൊരിക്കലായിരുന്നു കൊവിഡ് പരിശോധന നടത്തിയിരുന്നതെങ്കില് ഇനി 14 ദിവസത്തിലൊരിക്കല് കൊവിഡ് പരിശോധന നടത്തണം. ഒരാഴ്ച കൊണ്ട് യുഎഇയിലെ കൊവിഡ് കേസുകളില് ഇരട്ടിയോളം വര്ദ്ധനവ് രേഖപ്പെടുത്തിയ സാചര്യത്തിലാണ് പുതിയ നിയന്ത്രണം ഏര്പ്പെടുത്തിയത്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam