10,000 ചതുരശ്ര മീറ്റർ വിസ്തൃതി, കുവൈത്തിലെ ഹവല്ലിയിൽ പ്രവാസികൾക്കായി ഷെൽട്ടർ തുറന്നു

ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ശൈഖ് ഫഹദ് അൽ യൂസഫിന്‍റെ രക്ഷാകർതൃത്വത്തിലാണ് ഷെല്‍ട്ടര്‍ തുറന്നത്

കുവൈത്ത് സിറ്റി : കുവൈത്തിൽ പുരുഷ പ്രവാസി തൊഴിലാളികൾക്കായുള്ള ഷെൽട്ടർ സെന്റർ ഹവല്ലിയിൽ ഔദ്യോ​ഗികമായി തുറന്നു. ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ശൈഖ് ഫഹദ് അൽ യൂസഫിന്റെ രക്ഷാകർതൃത്വത്തിലും പബ്ലിക് അതോറിറ്റി ഫോർ മാൻപവറിന്റെ ആക്ടിങ് ഡയറക്ടർ മർസൂഖ് അൽ ഒതൈബിയുടെയും കുവൈത്തിലെ നയതന്ത്ര ദൗത്യങ്ങളുടെ പ്രതിനിധികളുടെയും സാന്നിധ്യത്തിലുമാണ് ഷെൽട്ടർ ആരംഭിച്ചത്. 

10,000 ചതുരശ്ര മീറ്റർ വിസ്തൃതിയുള്ള ഈ ഷെൽട്ടർ, കുവൈത്തിനെ സവിശേഷമാക്കുന്ന കാരുണ്യത്തിന്റെയും ഐക്യദാർഢ്യത്തിന്റെയും മൂല്യങ്ങളെ പ്രതിഫലിപ്പിക്കുന്ന ഒരു മാനുഷിക കേന്ദ്രമാണ്. സാമൂഹിക ഐക്യദാർഢ്യം ശക്തിപ്പെടുത്തുന്നതിലും ആവശ്യമുള്ള എല്ലാവരെയും സഹായിക്കാൻ ഒരു കൈ നീട്ടുന്നതിലും തൊഴിലാളികളെ പരിപാലിക്കുന്നതിനും സംരക്ഷിക്കുന്നതിനും സുസ്ഥിരമായ പരിഹാരങ്ങൾ കണ്ടെത്തുന്നതിലും ഈ സ്ഥാപനങ്ങൾ പ്രധാന പങ്കുവഹിക്കുന്നുണ്ടെന്ന് മന്ത്രാലയം വ്യക്തമാക്കി.