UAE Flights: അബുദാബിയില് ഗ്രീന് ലിസ്റ്റ് സംവിധാനം എടുത്തുകളഞ്ഞു
Synopsis
അബുദാബി വിമാനത്താവളത്തില് നിലവിലുണ്ടായിരുന്ന ഗ്രീന് ലിസ്റ്റ് സംവിധാനം ശനിയാഴ്ച മുതല് ഉണ്ടാവില്ലെന്നാണ് അറിയിച്ചിരിക്കുന്നത്. നേരത്തെ എല്ലാ ആഴ്ചയും ഗ്രീന് ലിസ്റ്റ് അധികൃതര് പരിഷ്കരിച്ചിരുന്നു.
അബുദാബി: അന്താരാഷ്ട്ര യാത്രക്കാര്ക്കായി (International arrivals) ഏര്പ്പെടുത്തിയിരുന്ന ഗ്രീന് ലിസ്റ്റ് സംവിധാനം (Green list) എടുത്തുകളഞ്ഞ് അബുദാബി. ശനിയാഴ്ച മുതല് ഇത് പ്രാബല്യത്തില് വന്നു. രാജ്യത്തെ പുതിയ കൊവിഡ് കേസുകളും (New covid cases) കൊവിഡ് ബാധിച്ച് ആശുപത്രിയില് പ്രവേശിപ്പിക്കുന്നവരുടെ എണ്ണവും (Covid hospitalisations) ഗണ്യമായി കുറഞ്ഞ സാഹചര്യത്തില് നിയന്ത്രങ്ങളില് കൂടുതല് ഇളവുകള് പ്രഖ്യാപിക്കുകയും ചെയ്തിരുന്നു.
അബുദാബി വിമാനത്താവളത്തില് നിലവിലുണ്ടായിരുന്ന ഗ്രീന് ലിസ്റ്റ് സംവിധാനം ശനിയാഴ്ച മുതല് ഉണ്ടാവില്ലെന്നാണ് അറിയിച്ചിരിക്കുന്നത്. നേരത്തെ എല്ലാ ആഴ്ചയും ഗ്രീന് ലിസ്റ്റ് അധികൃതര് പരിഷ്കരിച്ചിരുന്നു. കൊവിഡ് വ്യാപനം കുറഞ്ഞ രാജ്യങ്ങളെയാണ് ഇതില് ഉള്പ്പെടുത്തിയിരുന്നത്. പുതിയ തീരുമാനത്തോടെ മാര്ച്ച് ഒന്ന് മുതല് വാക്സിനെടുത്തവര്ക്ക് യുഎഇയില് പ്രവേശിക്കാന് ഇനി മുന്കൂര് പി.സി.ആര് പരിശോധനയുടെ ആവശ്യമില്ല. ക്വാറന്റീന് ഉള്പ്പെടെയുള്ള മറ്റ് നിബന്ധനകളിലും മാറ്റം വരുത്തിയിട്ടുണ്ട്.
അബുദാബി: കൊവിഡ് വാക്സിന്റെ രണ്ട് ഡോസും സ്വീകരിച്ചവര്ക്ക് (Fully vaccinated) യുഎഇയിലേക്ക് യാത്ര ചെയ്യാന് ഇനി പി.സി.ആര് പരിശോധന വേണ്ട (No PCR test for UAE entry). മാര്ച്ച് ഒന്ന് മുതല് ഇത് പ്രാബല്യത്തില് വരും. നാഷണല് എമര്ജന്സി, ക്രൈസിസ് ആന്റ് ഡിസാസ്റ്റേഴ്സ് മാനേജ്മെന്റ് അതോരിറ്റിയാണ് (National Authority for Emergency, Crisis and Disaster Management) വെള്ളിയാഴ്ച യുഎഇയിലെ കൊവിഡ് നിയന്ത്രണങ്ങളില് പുതിയ ഇളവുകള് (Relaxations in Covid restrictions) പ്രഖ്യാപിച്ചത്.
കൊവിഡ് വാക്സിനേഷന് പൂര്ത്തിയാക്കിയവര് യാത്രയ്ക്ക് മുമ്പ് ഇനി പി.സി.ആര് പരിശോധന നടത്തേണ്ടതില്ല. പകരം അംഗീകൃത വാക്സിന്റെ കണ്ട് ഡോസുകളും സ്വീകരിച്ചതിന്റെ സര്ട്ടിഫിക്കറ്റ് ഹാജരാക്കിയാല് മതിയാവും. ഈ സര്ട്ടിഫിക്കറ്റില് ക്യൂ.ആര് കോഡ് ഉണ്ടായിരിക്കണം.
വാക്സിനെടുത്തിട്ടില്ലാത്ത യാത്രക്കാര് വിമാനം പുറപ്പെടുന്ന സമയത്തിന് 48 മണിക്കൂറിനിടെ നടത്തിയ കൊവിഡ് പി.സി.ആര് പരിശോധനയുടെ നെഗറ്റീവ് ഫലം ഹാജരാക്കണം. അല്ലെങ്കില് ഒരു മാസത്തിനിടെ കൊവിഡ് ബാധിച്ച് സുഖം പ്രാപിച്ചത് തെളിയിക്കുന്ന പരിശോധനാ ഫലം ഹാജരാക്കിയാലും മതിയാവും. ഇതിലും ക്യു.ആര് കോഡ് നിര്ബന്ധമാണ്. യുഎഇ വഴി തുടര് യാത്ര ചെയ്യുന്നവര് അവര് പോകുന്ന രാജ്യത്തെ കൊവിഡ് മാര്ഗനിര്ദേശം പിന്തുടരണമെന്നും അറിയിച്ചിട്ടുണ്ട്.
അബുദാബി: പൊതുസ്ഥലങ്ങളില് മാസ്ക് ഉപയോഗം ഒഴിവാക്കാനുള്ള തീരുമാനവുമായി യുഎഇ (UAE eases face mask restrictions). അടുത്ത മാസം ആദ്യം മുതല് (From March 1) തീരുമാനം പ്രാബല്യത്തില് വരും. കൊവിഡ് രോഗികളുമായി സമ്പര്ക്കത്തില് വന്നവര്ക്കുള്ള ക്വാറന്റൈന് ചട്ടങ്ങളില് (Quarantine) അടക്കം വലിയ മാറ്റങ്ങളാണ് യുഎഇ വെള്ളിയാഴ്ച പ്രഖ്യാപിച്ചത്. പൊതുഇടങ്ങളില് മാസ്ക് ഒഴിവാക്കാമെങ്കിലും അടച്ചിട്ട സ്ഥലങ്ങളില് (Closed spaces) മാസ്ക് നിയന്ത്രണം തുടരുമെന്നും ദേശീയ ദുരന്ത നിവാരണ സമിതി (UAE National Crisis and Emergency Management Authority) വ്യക്തമാക്കി.
കൊവിഡ് ബാധിതരുടെ ഐസൊലേഷന് രീതിക്ക് വ്യത്യാസമില്ല. എന്നാല് സമ്പര്ക്കത്തില് വന്നവര്ക്ക് ക്വാറന്റൈന് നിര്ബന്ധമില്ല. എന്നാല് ഇവര് അഞ്ച് ദിവസത്തിനിടെ രണ്ട് പിസിആര് പരിശോധനയ്ക്ക് വിധേയമാകണം. കൊവിഡ് കേസുകളില് തുടര്ച്ചയായി ഉണ്ടായ കുറവാണ് നിയന്ത്രണങ്ങളില് ഇളവ് പ്രഖ്യാപിക്കാന് കാരണം. പൂര്ണമായ രീതിയില് രാജ്യത്തെ സാധാരണ നിലയിലേക്ക് തിരികെ എത്തിക്കാനുള്ള ശ്രമത്തിലാണ് യുഎഇ. പ്രാദേശിക തലത്തില് ഓരോ എമിറേറ്റുകള്ക്കും ക്വാറന്റൈന് സമയം നിശ്ചയിക്കാനും അധികാരം നല്കിയിട്ടുണ്ട്.
പള്ളികളില് ആളുകള് തമ്മിലുള്ള ഒരുമീറ്റര് നിയന്ത്രണം തുടരും. വാക്സിനെടുക്കാത്ത യാത്രക്കാര് 48 മണിക്കൂറിനുള്ളിലെടുത്ത കൊവിഡ് നെഗറ്റീവായ ക്യു ആര് കോഡ് സഹിതമുള്ള പിസിആര് പരിശോധന റിപ്പോര്ട്ട് കൈവശം കരുതണം. വിനോദ സഞ്ചാര മേഖലയിലെ സാമൂഹ്യ അകലം പാലിക്കല് വേണ്ടെന്നും ദേശീയ ദുരന്ത നിവാരണ സമിതി വ്യക്തമാക്കി.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam