മസ്‌കറ്റിലെ എയർ ഇന്ത്യ ഓഫീസ് വത്തയ്യയിലേക്ക് മാറ്റി

വത്തയ്യയിലെ റൊമിലഹ് ( Romelah)  സ്ട്രീറ്റിലെ  നാഷണൽ ട്രാവൽ ആൻഡ് ടൂറിസം ബിൽഡിംങ്ങിലാണ് പുതിയ ഓഫീസ്

മസ്‍‍കറ്റ്: ഒമാനില്‍ റൂവി സി.ബി.ഡി പ്രദേശത്ത്  സെൻട്രൽ ബാങ്കിന് മുന്നിൽ പ്രവർത്തിച്ചു വന്നിരുന്ന എയർ ഇന്ത്യ, എയർ ഇന്ത്യ എക്പ്രസ് ഓഫീസുകൾ വത്തയ്യയിലേക്ക് മാറ്റി. വത്തയ്യയിൽ സജ്ജമായിരിക്കുന്ന പുതിയ കെട്ടിടത്തിലായിരിക്കും ജൂൺ 21 മുതൽ  പ്രവർത്തിക്കുകയെന്ന് എയർ ഇന്ത്യ പുറത്തിറക്കിയ സർക്കുലറിൽ പറയുന്നു.

വത്തയ്യയിലെ റൊമിലഹ് ( Romelah)  സ്ട്രീറ്റിലെ  നാഷണൽ ട്രാവൽ ആൻഡ് ടൂറിസം ബിൽഡിംങ്ങിലാണ് പുതിയ ഓഫീസെന്ന് അറിയിപ്പിൽ പറയുന്നു. വത്തയ്യയിലെ കിയ ഷോറൂമിന്‌ സമീപമാണ് നാഷണൽ ട്രാവൽ ആൻഡ് ടൂറിസം ബിൽഡിങ്

എയർ ഇന്ത്യ ഇ-മെയിൽ: ialmctsales@gmail.com
എയർ ഇന്ത്യ എക്പ്രസ് ഇ-മെയിൽ: ixmctsales@gmail.com

ടെലിഫോൺ: +968 24762100 / 24762111 
ഫാക്സ്:+ 968 2462122

മസ്‍കത്ത്: ഒമാനിൽ താമസിക്കുന്ന ഇന്ത്യക്കാർക്ക് ഒമാനിലെ ഇന്ത്യന്‍ സ്ഥാനപതിയെ നേരിൽ കണ്ട് പരാതികൾ അറിയിക്കാനും പരിഹാരമാർഗങ്ങൾ കണ്ടെത്തുവാനുമായി എല്ലാ മാസവും നടത്തി വരുന്ന ഓപ്പൺ ഹൗസ് ജൂൺ 24 ന് നടക്കുമെന്ന് എംബസി വൃത്തങ്ങൾ അറിയിച്ചു .

വെള്ളിയാഴ്ച ഉച്ചക്ക് രണ്ടരക്ക് മസ്‍കറ്റിലെ  ഇന്ത്യൻ  എംബസിയിൽ ആരംഭിക്കുന്ന ഓപ്പൺ ഹൗസിൽ  പ്രവാസികളുടെ ക്ഷേമവുമായി ബന്ധപ്പെട്ട ഏത് കാര്യങ്ങളും ഉന്നയിക്കാനാവും. സ്ഥാനപതിയോടൊപ്പം  കാര്യാലയത്തിലെ എല്ലാ ഉയർന്ന ഉദ്യോഗസ്ഥരും പങ്കെടുക്കുന്ന  ഓപ്പൺ ഹൗസ്സ് വൈകുന്നേരം 4.00 മണിയോടെ അവസാനിക്കുമെന്ന് ഇന്ത്യൻ എംബmf പുറത്തിറക്കിയ വാർത്താ  കുറിപ്പിൽ പറയുന്നു.

ഓപ്പൺ ഹൗസ്സിൽ  നേരിട്ട് പങ്കെടുക്കാൻ സാധിക്കാത്തവർ തങ്ങളുടെ പരാതി 98282270 നമ്പറിൽ മുൻകൂട്ടി  രെജിസ്റ്റർ ചെയ്യാനും എംബസി ആവശ്യപ്പെട്ടിട്ടുണ്ട്. ഇങ്ങനെ ലഭിക്കുന്ന പരാതികള്‍ക്കുള്ള മറുപടി  ഓപ്പണ്‍ ഹൗസില്‍ നൽകുമെന്നാണ് എംബസി ഇന്ന് പുറത്തിറക്കിയ വാർത്തകുറിപ്പിൽ വ്യക്തമാക്കിയിരിക്കുന്നത്.