മഹ്സൂസില് 10,000,000 ദിര്ഹത്തിന്റെ ഒന്നാം സമ്മാനത്തിന് ഒരു അവകാശി കൂടിയെത്തി
Synopsis
മഹ്സൂസില് ഒന്നാം സമ്മാനം നേടുന്ന 32-ാമത്തെ ഭാഗ്യവാന് കൂടിയാണ് ഈ വര്ഷത്തെ ആദ്യ മള്ട്ടി മില്യനയര്. 117-ാമത് പ്രതിവാര തത്സമയ നറുക്കെടുപ്പില് ആകെ 1,345 വിജയികള് 11,756,050 ദിര്ഹം സമ്മാനമായി നേടി
ദുബൈ: തുടര്ച്ചയായി വന്തുകയുടെ സമ്മാനങ്ങള് നല്കുന്ന യുഎഇയിലെ പ്രമുഖ പ്രതിവാര നറുക്കെടുപ്പായ മഹ്സൂസ്, 2023 ഫെബ്രുവരി 25ന് സംഘടിപ്പിച്ച തങ്ങളുടെ 117-ാമത് സൂപ്പര് സാറ്റര്ഡേ നറുക്കെടുപ്പിലൂടെ ഒരു മില്യനയറെക്കൂടി തെരഞ്ഞെടുത്തു. 2023ലെ ആദ്യ മള്ട്ടി മില്യനയര് തെരഞ്ഞെടുക്കപ്പെട്ടപ്പോള് മഹ്സൂസിലൂടെ ഇതുവരെ ഒന്നാം സമ്മാനം നേടിയവരുടെ എണ്ണം 32 ആയി ഉയര്ന്നു. 9, 10, 13, 28, 29 എന്നിവയായിരുന്നു നറുക്കെടുത്ത സംഖ്യകള്. ഇവ അഞ്ചും യോജിച്ചു വന്നതോടെയാണ് ഈ ഭാഗ്യവാന് 10,000,000 ദിര്ഹത്തിന്റെ ഒന്നാം സമ്മാനം സ്വന്തമാക്കിയത്.
നറുക്കെടുത്ത അഞ്ച് സംഖ്യകളില് നാലെണ്ണം യോജിച്ച് വന്ന 38 പേര് രണ്ടാം സമ്മാനമായ 1,000,000 ദിര്ഹം പങ്കിട്ടെടുത്തു. ഇവര് ഓരോരുത്തരും 26,315 ദിര്ഹം വീതം നേടി. നറുക്കെടുത്ത അഞ്ച് സംഖ്യകളില് മൂന്നെണ്ണം യോജിച്ച് വന്ന 1,303 പേര് മൂന്നാം സമ്മാനമായ 350 ദിര്ഹം വീതം നേടി. എപ്പോഴത്തെയും പോലെ പ്രതിവാര റാഫിള് ഡ്രോയില് വിജയികളായ മൂന്നുപേര് 300,000 ദിര്ഹം പങ്കിട്ടെടുത്തു. 31059349, 30949680, 30746308 എന്നീ റാഫിള് നമ്പറുകളാണ് സമ്മാനാര്ഹമായത്. തുര്ക്കിയില് നിന്നുള്ള യെസ്മിന്, ഇന്ത്യക്കാരായ മുഹമ്മദ്, സൗരഭ് എന്നിവരാണ് ഈ റാഫിള് ഐഡികളിലൂടെ 100,000 ദിര്ഹം വീതം സ്വന്തമാക്കിയത്. കഴിഞ്ഞ ദിവസം രാത്രി നടന്ന നറുക്കെടുപ്പില് ആകെ 1,345 വിജയികള് ചേര്ന്ന് 11,756,050 ദിര്ഹമാണ് സമ്മാനമായി നേടിയത്.
"2023ലെ ആദ്യ മള്ട്ടി മില്യനയറെ തെരഞ്ഞെടുക്കാന് സാധിച്ചതിന്റെ ആവേശത്തിലാണ് ഞങ്ങള്. വിജയിച്ച 1,345 പേര്ക്കും അഭിനന്ദനങ്ങള് അറിയിക്കുന്നു" മഹ്സൂസ് മാനേജിങ് ഓപ്പറേറ്ററായ ഈവിങ്സ് എല്.എല്.സി സിഇഒ ഫരീദ് സാംജി പറഞ്ഞു.
www.mahzooz.ae എന്ന വെബ്സൈറ്റില് രജിസ്റ്റര് ചെയ്ത് 35 ദിര്ഹം മുടക്കി ബോട്ടില്ഡ് വാട്ടര് വാങ്ങുന്നതിലൂടെ മഹ്സൂസില് പങ്കെടുക്കാം. ഓരോ ബോട്ടില്ഡ് വാട്ടര് വാങ്ങുമ്പോഴും ഉപഭോക്താക്കള്ക്ക് ഒന്നിലേറെ നറുക്കെടുപ്പുകളില് പങ്കെടുക്കാനുള്ള അവസരമാണ് ലഭിക്കുന്നത്. രണ്ട് വ്യത്യസ്ത സെറ്റ് സംഖ്യകള് തെരഞ്ഞെടുക്കുന്നതിലൂടെ ഫന്റാസ്റ്റിക് ഫ്രൈഡേ എപ്പിക് ഡ്രോ, സൂപ്പര് സാറ്റര്ഡേ ഡ്രോ എന്നിവയില് പങ്കെടുക്കാം. ഒന്നാം സമ്മാനമായി 10,000,000 ദിര്ഹം, രണ്ടാം സമ്മാനമായി 1,000,000 ദിര്ഹം, മൂന്നാം സമ്മാനമായി 350 ദിര്ഹം എന്നിവ സമ്മാനമായി നല്കുന്ന സൂപ്പര് സാറ്റര്ഡേ ഡ്രോയില് പങ്കെടുക്കാനുള്ള അവസരം ലഭിക്കുന്നതിനായി 49 സംഖ്യകളില് നിന്ന് അഞ്ചെണ്ണം തെരഞ്ഞെടുക്കുകയാണ് വേണ്ടത്. ഇതേ ടിക്കറ്റുകള് 100,000 ദിര്ഹം വീതം മൂന്ന് ഭാഗ്യശാലികള്ക്ക് സമ്മാനമായി നല്കുന്ന പ്രതിവാര റാഫിള് ഡ്രോയിലേക്കും ഓട്ടോമാറ്റിക് ആയി എന്റര് ചെയ്യപ്പെടുന്നു. എല്ലാ ആഴ്ചയിലും 10,000,000 ദിര്ഹം വീതം സമ്മാനമായി നല്കുന്ന പുതിയ ഫന്റാസ്റ്റിക് ഫ്രൈഡേ എപ്പിക് ഡ്രോയില് പങ്കെടുക്കുന്നതിനായി 39 സംഖ്യകളില് നിന്ന് ആറെണ്ണം തെരഞ്ഞെടുക്കുകയാണ് വേണ്ടത്.
അറബിയില് 'ഭാഗ്യം' എന്ന് അര്ത്ഥം വരുന്ന, ജിസിസിയിലെ ആദ്യ പ്രതിവാര തത്സമയ നറുക്കെടുപ്പായ മഹ്സൂസ്, എല്ലാ ആഴ്ചയിലും മില്യന് കണക്കിന് ദിര്ഹത്തിന്റെ സമ്മാനങ്ങള് നല്കി ആളുകളുടെ ജീവിതം മാറ്റിമറിക്കുന്നു. ആളുകളുടെ സ്വപ്നങ്ങള് സാക്ഷാത്കരിക്കാന് പ്രതിജ്ഞാബദ്ധമായ മഹ്സൂസ്, ഒപ്പം സേവനമായി അത് സമൂഹത്തിന് തിരികെ നല്കുകയും ചെയ്യുന്നു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ