തട്ടിപ്പ് കോളുകൾ 'സഹേൽ' ആപ്പ് വഴി റിപ്പോർട്ട് ചെയ്യാൻ കുവൈറ്റിലെ പൊതുജനങ്ങളോട് അഭ്യർത്ഥിച്ച് സിട്ര

സൈബർ സുരക്ഷ വർദ്ധിപ്പിക്കുന്നതിൻ്റെ ഭാഗമാണിത്

കുവൈത്ത് സിറ്റി: ഏതെങ്കിലും വഞ്ചനാപരമായ കോളുകളോ ടെക്സ്റ്റ് സന്ദേശങ്ങളോ വന്നാൽ കുവൈത്തിലെ ഏകീകൃത ആപ്ലിക്കേഷനായ സഹേൽ ആപ്പ് വഴി റിപ്പോർട്ട് ചെയ്യാൻ കമ്മ്യൂണിക്കേഷൻസ് ആൻഡ് ഇൻഫർമേഷൻ ടെക്നോളജി റെഗുലേറ്ററി അതോറിറ്റി (സിട്ര) കുവൈറ്റിലെ എല്ലാ പൗരന്മാരോടും പ്രവാസികളോടും ആഹ്വാനം ചെയ്തു. സൈബർ സുരക്ഷ വർദ്ധിപ്പിക്കുന്നതിനും ഉപയോക്താക്കളുടെ സ്വകാര്യ ഡാറ്റ ഡിജിറ്റൽ തട്ടിപ്പിൽ നിന്ന് സംരക്ഷിക്കുന്നതിനുമുള്ള സിട്രയുടെ തുടർച്ചയായ ശ്രമങ്ങളുടെ ഭാഗമാണിത്.

ഇത്തരം തട്ടിപ്പുകൾ റിപ്പോർട്ട് ചെയ്യുന്നത് അവയുടെ ഉറവിടങ്ങൾ കണ്ടെത്താൻ സഹായിക്കുമെന്നും ഉത്തരവാദിത്തപ്പെട്ടവർക്കെതിരെ നിയമനടപടി സ്വീകരിക്കാൻ അധികാരികളെ അനുവദിക്കുമെന്നും സിട്ര ഒരു ഔദ്യോഗിക പ്രസ്താവനയിൽ ഊന്നിപ്പറഞ്ഞു. സംശയാസ്പദമായ സന്ദേശങ്ങളോട് പ്രതികരിക്കുകയോ അജ്ഞാത ലിങ്കുകളിൽ ക്ലിക്ക് ചെയ്യുകയോ ചെയ്യരുതെന്നും അതോറിറ്റി പൊതുജനങ്ങളോട് നിർദ്ദേശിച്ചു, രാജ്യത്ത് സുരക്ഷിതമായ ഡിജിറ്റൽ അന്തരീക്ഷം നിലനിർത്തുന്നതിന് ആപ്പ് വഴി ഉടൻ റിപ്പോർട്ട് ചെയ്യണമെന്നും അതോറിറ്റി അറിയിച്ചു.