കൊവിഡ് രോഗികളില് തീവ്രപരിചരണ വിഭാഗത്തില് പ്രവേശിപ്പിക്കുന്നവരുടെ എണ്ണം കുറയ്ക്കാനും കൊവിഡ് ബാധിച്ചുള്ള മരണങ്ങള് കുറയ്ക്കാനും വാക്സിന് ഫലപ്രദമാണെന്ന് ഡോ. അല് ഹൊസനി പറഞ്ഞു. കൊവിഡ് വാക്സിന് സ്വീകരിക്കാത്തവര് രാജ്യത്തിന് പുറത്തേക്കുള്ള യാത്ര ഒഴിവാക്കണമെന്നാണ് നിര്ദ്ദേശം.
അബുദാബി: യുഎഇയില് കൊവിഡ് വൈറസിന്റെ ആല്ഫ, ബീറ്റ, ഡെല്റ്റ വകഭേദങ്ങള് സ്ഥിരീകരിച്ചു. ഞായറാഴ്ച നടന്ന വാര്ത്താ സമ്മേളനത്തില് യുഎഇ ആരോഗ്യ വിഭാഗം ഔദ്യോഗിക വക്താവ് ഡോ. ഫരീദ അല് ഹൊസനിയാണ് ഇക്കാര്യം അറിയിച്ചത്.
കൊവിഡ് രോഗികളില് തീവ്രപരിചരണ വിഭാഗത്തില് പ്രവേശിപ്പിക്കുന്നവരുടെ എണ്ണം കുറയ്ക്കാനും കൊവിഡ് ബാധിച്ചുള്ള മരണങ്ങള് കുറയ്ക്കാനും വാക്സിന് ഫലപ്രദമാണെന്ന് ഡോ. അല് ഹൊസനി പറഞ്ഞു. കൊവിഡ് വാക്സിന് സ്വീകരിക്കാത്തവര് രാജ്യത്തിന് പുറത്തേക്കുള്ള യാത്ര ഒഴിവാക്കണമെന്നാണ് നിര്ദ്ദേശം. പുതിയ കൊവിഡ് രോഗികളില് 39.2 ശതമാനം പേരില് ബീറ്റ വകഭേദവും 33.9 ശതമാനം പേരില് ഡെല്റ്റയും 11.3 ശതമാനം ആളുകളില് ആല്ഫ വകഭേദവുമാണ് സ്ഥിരീകരിച്ചിട്ടുള്ളതെന്ന് ഡോ. ഹൊസനി വ്യക്തമാക്കി.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona