സമുദ്ര വി​നോ​ദ​സ​ഞ്ചാ​രി​ക​ൾ​ക്ക് ഖത്തറിലേക്കുള്ള പ്രവേശന നടപടിക്രമങ്ങൾ എളുപ്പമാക്കാൻ ഡിജിറ്റൽ പ്ലാറ്റ്ഫോം

‘മി​നാ​കോം’ എ​ന്ന പേ​രി​ലാണ് പു​തി​യ ഡി​ജി​റ്റ​ൽ പ്ലാ​റ്റ്ഫോ​മി​ന് ഓ​ൾ​ഡ് ദോ​ഹ പോ​ർ​ട്ട് തുടക്കം കുറിച്ചിരിക്കുന്നത്

ദോഹ: ക​ട​ൽ മാർഗം യാച്ചുകളിലും ബോട്ടുകളിലും ഖത്തറിലെത്തുന്ന സ​ന്ദ​ർ​ശ​ക​ർ​ക്കും വി​നോ​ദ​സ​ഞ്ചാ​രി​ക​ൾ​ക്കും കപ്പലുകളിൽ നിന്ന് ഇറങ്ങാതെ തന്നെ രാജ്യത്തേക്കുള്ള പ്രവേശന നടപടിക്രമങ്ങൾ പൂർത്തിയാക്കാൻ ‘മി​നാ​കോം’ എ​ന്ന പേ​രി​ൽ പു​തി​യ ഡി​ജി​റ്റ​ൽ പ്ലാ​റ്റ്ഫോ​മി​ന് തു​ട​ക്കം കു​റി​ച്ച് ഓ​ൾ​ഡ് ദോ​ഹ പോ​ർ​ട്ട്. മിനാകോമിൽ, സന്ദർശകർക്ക് പാസ്‌പോർട്ട് കണ്‍ട്രോള്‍, കസ്റ്റംസ് നടപടിക്രമങ്ങൾ എന്നിവയെല്ലാം ഓൺലൈനായി ചെയ്യാൻ കഴിയും. 

ഓൾഡ് ദോഹ പോർട്ടിന്റെ ഔദ്യോഗിക വെബ്‌സൈറ്റ് വഴി യാ​​ത്ര​ക്കാ​ർ​ക്ക് മി​നാ​കോം പ്ലാറ്റ്‌ഫോമിലേക്ക് പ്രവേശിക്കാം. വെ​ബ്സൈ​റ്റി​ലെ ‘ബെ​ർ​ത്’ വി​​ൻ​ഡോ​യി​ൽ പ്ര​വേ​ശി​ച്ച് ‘മി​നാ​കോം’​മി​ലേ​ക്ക് എ​ത്തി​ച്ചേ​രാം. പേ​ജി​ലെ ഫോം ​പൂ​രി​പ്പി​ച്ചു​കൊ​ണ്ടാ​ണ് ന​ട​പ​ടി​യു​ടെ തു​ട​ക്കം. തു​ട​ർ​ന്ന് അം​ഗീ​കാ​ര​മു​ള്ള ലോ​ജി​സ്റ്റി​ക് ഏ​ജ​ന്റ് ശേ​ഷി​ക്കു​ന്ന പ്ര​വേ​ശ​ന ന​ട​പ​ടി​ക​ൾ പൂ​ർ​ത്തി​യാ​ക്കാ​ൻ സ​ഹാ​യി​ക്കും. ആ​വ​ശ്യ​മാ​യ എ​ല്ലാ ന​ട​പ​ടി​ക്ര​മ​ങ്ങ​ളും ബ​ന്ധ​പ്പെ​ട്ട സ​ർ​ക്കാ​ർ വി​ഭാ​ഗ​വു​മാ​യി ചേ​ർ​ന്ന് ബോ​ട്ടി​ൽ ഇ​രു​ന്ന് ത​ന്നെ പൂ​ർ​ത്തി​യാ​ക്കാം. തീ​ര​ത്ത് ബോ​ട്ടി​ന് നി​ർ​ത്താ​നു​ള്ള സൗ​ക​ര്യ​വും ല​ഭ്യ​മാ​കും. ലോ​ജി​സ്റ്റി​ക്സ് ഏ​ജ​ന്റ് വ​ഴി ഇ​മി​ഗ്രേ​ഷ​ൻ, ക​സ്റ്റം​സ് ക്ലി​യ​റ​ൻ​സ് എ​ന്നി​വ ഇ​വി​ടെ​ത​ന്നെ നി​ർ​വ്വഹി​ക്കാം. ഈ ​സ​മ​യ​ങ്ങ​ളി​ലൊ​ന്നും യാ​ത്രാ വാ​ഹ​ന​ത്തി​ൽ​നി​ന്ന് പു​റ​ത്തി​റ​ങ്ങേ​ണ്ട​തി​ല്ല.

ഖത്തറിൽ ഇത്തരത്തിലുള്ള ആദ്യ സേവനമാണിത്. അയല്‍ രാജ്യങ്ങളില്‍ നിന്നുള്ള സമുദ്ര ടൂറിസം പ്രോത്സാഹിപ്പിക്കുന്നതിന്റെ ഭാഗമായി കൂടിയാണ് പുതിയ സൗകര്യങ്ങൾ ഒരുക്കുന്നത്. ഖ​ത്ത​റി​ലേ​ക്ക് സ​മു​ദ്ര​പാ​ത വ​ഴി​യെ​ത്തു​ന്ന വി​നോ​ദ​സ​ഞ്ചാ​രി​ക​ൾ​ക്കും സ​ന്ദ​ർ​ശ​ക​ർ​ക്കും ഏ​റ്റ​വും മി​ക​ച്ച യാ​ത്രാ​നു​ഭ​വം ഉ​റ​പ്പാ​ക്കു​ന്ന​തി​ന്റെ ഭാ​ഗ​മാ​യാ​ണ് ഈ​ ​ശ്ര​ദ്ധേ​യ ചു​വ​ടു​വെ​പ്പെ​ന്ന് ഓ​ൾ​ഡ് ദോ​ഹ പോ​ർ​ട്ട് അ​ധി​കൃ​ത​ർ അ​റി​യി​ച്ചു.

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം