ദുബൈയിൽ ഗോൾഡ് സൂഖിന് സമീപത്തെ മൂന്ന് നില കെട്ടിടത്തിൽ തീപിടിത്തം

ഗോൾഡ് സൂഖ് ഗേറ്റ് നമ്പര്‍ ഒന്നിന് അടുത്തുള്ള കെട്ടിടത്തിലാണ് തീപിടിത്തമുണ്ടായത്. 

ദുബൈ: ദുബൈയിൽ ഗോൾഡ് സൂഖിന് സമീപമുള്ള വാണിജ്യ കെട്ടിടത്തില്‍ തീപിടിത്തം. ബുധനാഴ്ച രാവിലെയാണ് തീപിടിത്തമുണ്ടായത്. സംഭവത്തില്‍ ആര്‍ക്കും പരിക്കേറ്റിട്ടില്ല.

ബുധനാഴ്ച രാവിലെ 11.20ഓടെയാണ് ഗോൾഡ് സൂഖ് ഗേറ്റ് നമ്പര്‍ ഒന്നിന് അടുത്തുള്ള കെട്ടിടത്തില്‍ തീപിടിത്തം ഉണ്ടായത്. വിവരം അറിഞ്ഞ ഉടൻ സ്ഥലത്തെത്തിയ സിവില്‍ ഡിഫന്‍സ് സംഘം തീയണയ്ക്കുകയും രക്ഷാപ്രവര്‍ത്തനം നടത്തുകയും ചെയ്തു. തീപിടിത്തത്തെ തുടര്‍ന്ന് കെട്ടിടത്തിലെയും സമീപ പ്രദേശങ്ങളിലെ കടകളിലെയും ആളുകളെ ഒഴിപ്പിച്ചിരുന്നു. 

മൂന്ന് നിലകളുള്ള കെട്ടിടത്തിലാണ് തീപിടിത്തം ഉണ്ടായത്. കെ​ട്ടി​ട​ത്തി​ലെ മൂ​ന്നാം നി​ല​യി​ല്‍ നിന്ന് പ​ട​ര്‍ന്ന തീ ​മ​റ്റ് നി​ല​ക​ളി​ലേ​ക്കും വ്യാ​പി​ക്കു​ക​യാ​യി​രു​ന്നു. കാ​ര്യ​മാ​യ നാ​ശ​ന​ഷ്ട​ങ്ങ​ളു​ണ്ടാ​യ​താ​യി റി​പ്പോ​ര്‍ട്ടി​ല്ല. തീ​പി​ടി​ത്ത​ത്തി​ന്‍റെ കാ​ര​ണം  കണ്ടെത്താൻ അ​ധി​കൃ​ത​ർ അ​ന്വേ​ഷ​ണം ആ​രം​ഭി​ച്ചു. 

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം